Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 180
5मुंबई, दि. 13 (वृत्तसंस्था) : आगामी लोकसभा निवडणुकीला दोन वर्षांपेक्षा कमी अवधी असल्याने केंद्रातील मोदी सरकार आणखी कठोर आर्थिक सुधारणा करण्याऐवजी लोकप्रिय घोषणांकडे वळण्याची शक्यता एका अहवालात वर्तविण्यात आली आहे. नोटाबंदी, ‘जीएसटी’ अशा कठोर सुधारणांची अंमलबजावणी केल्यानंतर पंतप्रधान नरेंद्र मोदी हे आता आपल्या सरकारची कामगिरी जनतेपर्यंत पोहोचवण्यासाठी ताकद खर्च करतील. त्याचबरोबर करांमध्ये सवलती देऊन जनतेसाठी काही दिलासादायक निर्णय घेतील, असे या अहवालात म्हटले आहे. बार्कलेज इंडियाचे मुख्य अर्थतज्ज्ञ सिद्धार्थ सन्याल यांनी या संदर्भातील अहवालात म्हटले आहे की, पुढील लोकसभा निवडणूक 2019 मध्ये होणार असून ही निवडणूक जिंकण्यावर मोदी सरकार लक्ष केंद्रित करणार आहे. त्यामुळे पंतप्रधान नरेंद्र मोदी हे आपल्या सरकारने आतापर्यंत केल्या गेलेल्या आर्थिक सुधारणा आणि सरकारने सुरू केलेल्या पायाभूत सुविधांच्या प्रकल्पांच्या मजबुतीकरणावर भर देतील. यापुढील काळात लघुअर्थशास्त्रीय आघाडीवर कठोर कायदेशीर सुधारणांऐवजी प्रशासकीय पुढाकारांवर लक्ष केंद्रित केले जाईल.
Monday, August 14, 2017 AT 08:44 PM (IST)
‘हिजबुल’चा कमांडर मेहमूद गझनवीचा खात्मा 5श्रीनगर, दि. 13 (वृत्तसंस्था) : दक्षिण काश्मीरमधील शोपियाँ जिल्ह्यातील झैनपोरा भागात दहशतवाद्यांबरोबर शनिवारी रात्री झालेल्या चकमकीत भारतीय लष्कराचे दोन जवान शहीद झाले. भारतीय जवानांनी रविवारी सकाळी तीन दहशतवाद्यांना घेरले. यावेळी झालेल्या चकमकीत ‘हिजबुल मुजाहिद्दीन’चा अव्वल कमांडर यासिन इट्टू उर्फ मेहमूद गझनवी याच्यासह तीन दहशतवाद्यांचा खात्मा करण्यात यश आले. शहीद झालेल्या जवानांमध्ये महाराष्ट्राच्या अकोला जिल्ह्याचे सुपुत्र सुमेध वामन गवई (वय 25) व तमिळनाडूचे सुपुत्र पी. इलायराजा यांचा समावेश आहे. या चकमकीत कॅप्टन दर्जाच्या अधिकार्‍यांसह आणखी तीन जवान जखमी झाले असून त्यांच्यावर लष्करी रुग्णालयात उपचार सुरू आहेत. दरम्यान, पाकिस्तानी सैन्याने रविवारी  चार वेळा शस्त्रसंधीचे उल्लंघन केले. पाक सैन्याच्या गोळीबारात भारताचे तीन जवान जखमी झाल्याची माहिती लष्करी अधिकार्‍यांनी दिली. झैनपोरा भागातील अवनीरा या गावात काही दहशतवादी लपल्याची माहिती मिळाल्यानंतर लष्कराने या भागात शनिवारी रात्री शोधमोहीम हाती घेतली होती.
Monday, August 14, 2017 AT 08:43 PM (IST)
5नवी दिल्ली, दि. 11 (वृत्तसंस्था) : भारत, चीन आणि भूतान यांच्यातील तिहेरी सीमेवर डोकलाम येथे चिनी सैन्याकडून सुरू असलेल्या रस्तेबांधणीला भारतीय सैन्याने कडवा विरोध केल्याने चीनकडून सातत्याने युद्धाच्या धमक्या दिल्या जात असतानाच भारतीय लष्कराकडून कोणताही गाजावाजा न करता या भागात सैन्यबळ आणि शस्त्रसामग्री वाढवली जात आहे. जवळपास दोन महिने सुरू असलेल्या या संघर्षावर तोडगा काढण्यासाठी राजनैतिक आणि लष्करी मार्गाने प्रयत्न सुरू असतानाच तेथील आपले स्थान भारतीय लष्कराकडून बळकट करण्यात येत आहे. सूत्रांनी दिलेल्या माहितीनुसार, भारत आणि चिनी सैन्याच्या मेजर जनरल दर्जाच्या अधिकार्‍यांची डोकलाम प्रश्‍नी नथुला पास येथे शुक्रवारी प्रथमच ध्वजबैठक झाली. ही कोंडी फोडण्यासाठी 8 ऑगस्ट रोजी ब्रिगेडियर दर्जाच्या अधिकार्‍यांमधील ध्वजबैठक निष्फळ ठरल्यानंतर पुन्हा नव्याने बैठक घेण्याचा निर्णय घेण्यात आला होता. मात्र, मेजर जनरल दर्जाच्या अधिकार्‍यांमध्ये झालेली ध्वजबैठकही निष्फळ ठरली आहे. या भागातून भारताने सैन्य मागे घ्यावे, या भूमिकेवर ठाम राहिलेल्या चीनकडून अडेलतट्टूपणा सुरूच आहे. त्यावर भारतानेही ठाम भूमिका घेतली आहे.
Saturday, August 12, 2017 AT 09:01 PM (IST)
पगारदार पुजारी नेमणार : गृह राज्यमंत्र्यांचे आश्‍वासन 5मुंबई, दि. 10 (प्रतिनिधी) : गेली अनेक वर्षे मंदिरात ठाण मांडून बसलेल्या बडव्यांच्या कचाट्यातून आता कोल्हापूरच्या अंबाबाईची सुटका होणार आहे. या बडव्यांच्या जागी पगारदार पुजार्‍यांची नेमणूक करण्यात येणार असून त्याबाबतचा निर्णय येत्या तीन महिन्यांत घेतला जाईल. त्यासाठी पंढरपूर, शिर्डी देवस्थानच्या धर्तीवर कोल्हापूरच्या अंबाबाई देवस्थानासाठीही स्वतंत्र कायदा करणार असल्याचे गृह राज्यमंत्री रणजित पाटील यांनी गुरुवारी विधानसभेत सांगितले. महाराष्ट्राचे श्रद्धास्थान असलेल्या कोल्हापूरच्या अंबाबाईला घागरा-चोळी नेसवण्याचा वाद आज विधिमंडळापर्यंत पोहोचला. कोल्हापूरचे शिवसेनेचे आमदार राजेश क्षीरसागर, प्रकाश आबिटकर, डॉ. सुजित मिणचेकर, चंद्रदीप नरके, काँग्रेसचे सत्यजित पाटील-सरुडकर यांनी याबाबत लक्षवेधी सूचना मांडली होती. मुख्यमंत्र्यांनी अडीच वर्षांपूर्वी पश्‍चिम देवस्थान समितीच्या कोट्यवधींच्या घोटाळ्याची सीआयडी चौकशी करण्याची घोषणा केली होती. या घोषणेला अडीच वर्षे झाली तरी पश्‍चिम महाराष्ट्र देवस्थान समितीने केलेल्या भ्रष्टाचार प्रकरणी कारवाई होत नाही.
Friday, August 11, 2017 AT 09:05 PM (IST)
बदली रोखण्यासाठी माजी मुख्य सचिवांनी 7 कोटी मागितले 5मुंबई, दि. 10 (प्रतिनिधी) : झोपडपट्टी पुनर्विकास प्राधिकरणाच्या नुकत्याच निवृत्त झालेल्या मुख्याधिकार्‍याने त्याची बदली थांबविण्यासाठी एका माजी मुख्य सचिवाने 7 कोटी रुपयांची लाच मागितल्याची माहिती एका वृत्तवाहिनीशी बोलताना दिली आहे. हे प्रकरण अतिशय गंभीर आहे. राज्यात बदल्यांचा बाजारच मांडला गेल्याचे यावरून दिसून येते. या सर्व प्रकरणाची सीबीआय चौकशी करण्यात यावी, अशी मागणी माजी मुख्यमंत्री पृथ्वीराज चव्हाण यांनी विधानसभेत केली. ‘एसआरए’चे एक मुख्याधिकारी नुकतेच निवृत्त झाले आहेत. त्यांनी त्यांची बदली थांबविण्यासाठी माजी मुख्य सचिवांनी 7 कोटी रुपयांची लाच मागितल्याचा गौप्यस्फोट एका वृत्तवाहिनीशी बोलताना केला आहे. बदली थांबविण्यासाठी 7 कोटी मागण्यात येत असतील तर बदली करण्यासाठी किती मागण्यात येत असतील? या अधिकार्‍याने त्या माजी मुख्य सचिवाचे नावही घेतले होते. यावरून राज्यात बदल्यांचा बाजारच मांडला गेला आहे काय, असे वाटते. मागे सहारा स्टार या हॉटेलमध्ये धाड टाकण्यात आली, तेव्हा कोट्यवधींची रक्कम व धनादेश सापडले होते.
Friday, August 11, 2017 AT 09:01 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: