Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 307
उद्धव ठाकरे-काँग्रेस नेत्यांची बैठक ! किमान समान कार्यक्रम ठरवण्यासाठी दोन काँग्रेसची बैठक ! चर्चा योग्य दिशेने : ठाकरे 5मुंबई, दि.13 (प्रतिनिधी) : काँग्रेस हायकमांडने मान्यता दिल्यानंतर शिवसेना, राष्ट्रवादी व काँग्रेसची ‘महाशिवआघाडी’ उभारण्यासाठी हालचालींनी वेग घेतला आहे. शिवसेना पक्षप्रमुख उद्धव ठाकरे आणि काँग्रेस प्रदेशाध्यक्ष बाळासाहेब थोरात, अशोक चव्हाण आदी नेत्यांची बैठक होऊन प्राथमिक चर्चा झाली. चर्चा योग्य दिशेने सुरू झाली असल्याचे उद्धव ठाकरे यांनी बैठकीनंतर पत्रकारांशी बोलताना सांगितले. या नव्या आघाडीचा किमान समान कार्यक्रम ठरवण्यासाठी दोन्ही काँग्रेसनी पाच सदस्यांची समिती नेमली असून त्यांची पहिली बैठक आज झाली. मुख्यमंत्रिपदावरून संघर्ष झाल्याने भाजपला सोडचिठ्ठी देऊन एनडीएमधून बाहेर पडलेल्या शिवसेनेने दोन काँग्रेसबरोबर आघाडी करण्याचा प्रस्ताव दिला आहे. यावर पुढील चर्चा करण्यासाठी काँग्रेसचे ज्येष्ठ नेते मलिकार्जुन खरगे, अहमद पटेल व वेणूगोपाल हे काल मुंबईत आले होते.
Thursday, November 14, 2019 AT 09:07 PM (IST)
5नागपूर, दि.13 (वृत्तसंस्था) : शिवसेनेने भाजपसोबत जाण्यास दिलेला नकार, त्यानंतर राज्यात लागू झालेली राष्ट्रपती राजवट या पार्श्‍वभूमीवर भाजपचे नेते सुधीर मुनगंटीवार यांनी आज राष्ट्रीय स्वयंसेवक संघाचे सरसंघचालक मोहन भागवत यांची भेट घेतली. अर्धा तास चर्चा केल्यानंतर मुनगंटीवार संघ कार्यालयातून बाहेर पडले. मीडियाशी बोलताना ‘वेट अँड वॉच’ एवढंच बोलून ते निघून गेले. त्यामुळे भागवत-मुनगंटीवार यांच्यात नेमकी काय चर्चा झाली याचे गूढ वाढले आहे. शिवसेनेने भाजपसोबत युती करण्याचे सर्व दोर कापल्याने भाजपची प्रचंड कोंडी झाली आहे. त्यातच राष्ट्रवादीपाठोपाठ काँग्रेसनेही किमान समान कार्यक्रमावर शिवसेनेसोबत आघाडी करण्याचे संकेत दिल्याने भाजपला सत्तेपासून दूर रहावे लागणार असल्याचे स्पष्ट झाले आहे. राज्यपालांच्या शिफारशीनंतर राष्ट्रपतींनीही महाराष्ट्रात राष्ट्रपती राजवट लागू केल्याने आधीची विधानसभा विसर्जित झाली आहे.
Thursday, November 14, 2019 AT 08:47 PM (IST)
5नवी दिल्ली, दि.13 (वृत्तसंस्था) : महाराष्ट्रातल्या सत्तापेचावर भाजपचे केंद्रीय नेते गेले बरेच दिवस मौन बाळगून होते. आज प्रथमच केंद्रीय गृहमंत्री अमित शहा यांनी महाराष्ट्रात सुरू असलेल्या राजकीय पेचप्रसंगावर भाष्य केले. ‘शिवसेनेची मुख्यमंत्रिपदाची मागणी आम्हाला स्वीकारार्ह नाही. ज्यांच्याकडे बहुमत आहे त्यांनी सरकार स्थापन करावे,’ असे म्हणत त्यांनी अप्रत्यक्षपणे शिवसेनेला आव्हान दिले. राज्यपालांनी वेळ दिला नाही हे विरोधकांचे म्हणणे अत्यंत चुकीचे आहे. आम्ही शिवसेनेसोबत सरकार स्थापन करण्यासाठी तयार होतो मात्र त्यांनी साथ सोडली. महायुतीचे मुख्यमंत्री देवेंद्र फडणवीस होतील हे मी भाषणांमध्ये अनेकदा बोललो. पंतप्रधान नरेंद्र मोदी यांनी अनेकदा त्यांच्या सभांमधून हेच सांगितले. देवेंद्र फडणवीसही सांगत होते त्यावेळी कोणीही आक्षेप घेतला नाही. निवडणूक निकाल लागल्यानंतर शिवसेनेने अटी बदलल्या. त्यांच्या नव्या अटी आम्हाला मान्य नाहीत, असे अमित शहा यांनी एएनआय या वृत्तसंस्थेला दिलेल्या मुलाखतीत स्पष्ट केले. एवढेच नाही तर बंद दाराआड शिवसेनेशी काय चर्चा झाली ते सांगणे मला योग्य वाटत नाही.
Thursday, November 14, 2019 AT 08:40 PM (IST)
5मुंबई, दि.12(प्रतिनिधी) : राज्यपालांच्या कृपेने सत्तास्थापनेसाठी भरपूर वेळ मिळाला आहे. आता काँग्रेस, राष्ट्रवादी काँग्रेस आणि शिवसेना हे तिन्ही पक्ष समान किमान कार्यक्रम ठरवून त्यानंतरच पुढे जातील, असे शिवसेना पक्षप्रमुख उद्धव ठाकरे यांनी स्पष्ट केले. राष्ट्रवादी आणि काँग्रेसची संयुक्त पत्रकार परिषद झाल्यानंतर लगेचच उद्धव ठाकरे यांनी पत्रकार परिषद घेऊन शिवसेनेची भूमिका स्पष्ट केली. उद्धव ठाकरे यांनी भाजपने विविध राज्यांत सीमोल्लंघन करून केलेल्या आघाड्यांवर तोफ डागली. मात्र भाजपसोबत युती तुटली आहे का, या प्रश्‍नावर थेट उत्तर टाळले. उद्धव ठाकरे यांनी राज्याला स्थिर सरकार देण्याच्या मुद्द्यावर जोर दिला. पाच वर्षे स्थिर सरकार चालवणे हा काही पोरखेळ नाही. त्यामुळे विचाराअंती आम्हाला पुढे जावे लागणार आहे. कालच मी सर्वप्रथम काँग्रेस आणि राष्ट्रवादीशी संपर्क साधला. त्यातून त्यांना काही बाबतीत स्पष्टता हवी होती तर मलाही काही बाबतीत स्पष्टता हवी होती. आता येत्या काळात या सगळ्या गोष्टी होतील, असे त्यांनी स्पष्ट केले. राज्यपालांकडे आम्ही 48 तासांचा वेळ मागितला होता.
Wednesday, November 13, 2019 AT 08:37 PM (IST)
5मुंबई, दि. 12 (प्रतिनिधी) : शिवसेनेने आमच्याशी कालच संपर्क साधला आहे. त्यामुळे आम्ही आज मुंबईत आलो. मात्र शिवसेनेसोबत जाण्याचा अद्याप कोणताही निर्णय घेण्यात आला नाही. आधी दोन्ही काँग्रेसमध्ये चर्चा होईल. किमान समान कार्यक्रम ठरेल, त्यानंतरच आम्ही शिवसेनेसोबत काही मुद्द्यांवर चर्चा करून पुढचा निर्णय घेऊ, असे दोन्ही काँग्रेसने स्पष्ट केले. शिवसेनेला पाठिंबा देण्याबाबतचा काँग्रेस आघाडीचा अद्याप कोणताही निर्णय न झाल्याने राज्यात नवे सरकार येण्यासाठी अजून काही दिवस जाणार असल्याचे सांगण्यात येते. काँग्रेस-राष्ट्रवादीचा अद्याप निर्णय नाही! काँग्रेस आणि राष्ट्रवादीच्या नेत्यांची आज यशवंतराव चव्हाण सेंटरमध्ये बैठक पार पडली. दीड तास चाललेल्या या बैठकीला राष्ट्रवादीचे अध्यक्ष शरद पवार, काँग्रेस नेते अहमद पटेल, मल्लिकार्जुन खरगे, पृथ्वीराज चव्हाण, अशोक चव्हाण, माणिकराव ठाकरे, राष्ट्रवादीचे नेते प्रफुल्ल पटेल, विधिमंडळ गटनेते अजित पवार, प्रदेशाध्यक्ष जयंत पाटील आणि इतर नेते उपस्थित होते. यावेळी प्रफुल्ल पटेल यांनी दोन्ही काँग्रेसच्यावतीने काढण्यात आलेले संयुक्त निवेदन वाचून दाखवले.
Wednesday, November 13, 2019 AT 08:33 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: