Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 75
सरसंघचालक मोहन भागवतांची स्तुतिसुमने 5नवी दिल्ली, दि. 17 (वृत्तसंस्था) : काँग्रेस पक्षाने देशाच्या स्वातंत्र्यलढ्यात मोठे योगदान दिले होते. या पक्षाने देशाला अनेक महापुरूष दिले, अशा शब्दात राष्ट्रीय स्वयंसेवक संघाचे सरसंघचालक मोहन भागवत यांनी आज काँग्रेसवर स्तुतिसुमने उधळली. राष्ट्रीय स्वयंसेवक संघाचे तीन दिवसीय अधिवेशन दिल्लीत आजपासून सुरू झाले. त्यामध्य ‘भविष्य का भारत : आरएसएस दृष्टिकोन’ या विषयावर भागवत बोलत होते. यानिमित्ताने संघाने प्रथमच स्वातंत्र्यलढ्यातील काँग्रेसच्या योगदानाचे कौतुक केले आहे. प्रारंभी भागवत यांनी राष्ट्रीय स्वयंसेवक संघाचे संस्थापक डॉ. हेडगेवार यांच्या जीवनावर भाष्य केले. या अधिवेशनाला देशातील विविध भागातील आणि क्षेत्रातील नामवंतांना आमंत्रित करण्यात आले आहे. आजच्या कार्यक्रमात अभिनेत्री मनीषा कोइराला, अभिनेता रवी किशन आणि अन्नू कपूर सहभागी झाले होते. संघ लोकांना समजलेला नाही संघ लोकांना लवकर समजत नाही, कारण संघ अनोखा आहे. सत्तेत कोण आहे याचा आम्हाला काहीच फरक पडत नाही. आम्ही फक्त आपले काम करतो. राष्ट्रीय स्वयंसेवक संघ ही सर्वात मोठी लोकशाहीवादी संघटना आहे.
Tuesday, September 18, 2018 AT 11:42 PM (IST)
5नवी दिल्ली, दि. 14 (वृत्तसंस्था) ः जम्मू-काश्मीरमध्ये आंतरराष्ट्रीय सीमा व नियंत्रण रेषेवरून पाकिस्तान पुरस्कृत दहशतवाद्यांची घुसखोरी रोखण्यासाठी भारताने आता सीमेवर अदृश्य ‘इलेक्ट्रॉनिक संरक्षक भिंत’ उभी केली आहे. जम्मूतील आंतरराष्ट्रीय सीमेवर प्रथमच ‘हायटेक सर्व्हेलन्स सिस्टीम’ उभारण्यात आली आहे. त्यामध्ये जमीन, पाणी आणि हवेत अदृश्य ‘इलेक्ट्रॉनिक बॅरियर’ उभारण्यात आल्याने सीमा सुरक्षा दलाला घुसखोरांना ओळखण्यास आणि कठीण ठिकाणांवरील घुसखोरी रोखण्यास मदत मिळणार आहे. केंद्रीय गृहमंत्री राजनाथसिंग सोमवारी (दि. 17) जम्मूतील अशा दोन पथदर्शी प्रकल्पांचे उद्घाटन करणार आहेत. त्यातील एका प्रकल्पामुळे जम्मूतील 5.5 किमी आंतरराष्ट्रीय सीमेवर देखरेख ठेवता येणार आहे. या प्रणालीचे ‘कॉम्प्रिहेन्सिव्ह इंटिग्रेटेड बॉर्डर मॅनेजमेंट सिस्टीम’ (उखइचड) असे नाव आहे. पाकमधून कायम रात्रीच्या वेळी दुर्गम भागातून भारतात घुसखोरी होते. अशा ठिकाणी ‘सीआयबीएमएस’ यंत्रणा उभारून आधुनिक टेहळणी तंत्रज्ञानाचा वापर करण्यात येणार आहे. यात थर्मल इमेजर, इन्फ्रारेड आणि लेझर बेस्ड इन्ट्रुडर अलार्म या सुविधा असतील.
Saturday, September 15, 2018 AT 08:42 PM (IST)
5नवी दिल्ली, दि. 14 (वृत्तसंस्था) ः हुंड्यासाठी विवाहितांचा छळ केल्या प्रकरणी पती आणि त्याच्या कुटुंबीयांना सुरक्षाकवच देण्याच्या सर्वोच्च न्यायालयाच्या दोन न्यायाधीशांच्या खंडपीठाच्या निर्णयात सरन्यायाधीश दीपक मिश्रा यांच्या अध्यक्षतेखालील त्रिसदस्यीय खंडपीठाने आज सुधारणा केली आहे. त्यामुळे अशा प्रकरणात पतीला अटक करण्याचा मार्ग मोकळा झाला आहे. त्याचवेळी या प्रकरणांसाठी स्थानिक पातळीवर कुटुंब कल्याण समिती नेमण्याचा आधीचा निर्णयही खंडपीठाने रद्दबातल केला आहे. हुंड्यासाठी छळ केल्याच्या गुन्ह्यांमध्ये पीडित विवाहितांना न्याय मिळणे गरजेचे आहे. त्यामुळे अशा प्रकरणांमध्ये संशयितांना लगेच अटक करणे आवश्यक आहे. त्याच वेळी संशयितांना अटकपूर्व जामिनासाठी अर्ज करण्याची मुभा देणेही आवश्यक आहे, असा निर्णय त्रिसदस्यीय खंडपीठाने दिला आहे. या खंडपीठात न्या. अजय खानविलकर व न्या. धनंजय चंद्रचूड यांचाही समावेश होता. हुंड्याच्या प्रकरणांमध्ये लगेचच अटक करता येणार नाही, असा निर्णय सर्वोच्च न्यायालयाच्या दोन न्यायाधीशांच्या खंडपीठाने गेल्या वर्षी दिला होता.
Saturday, September 15, 2018 AT 08:20 PM (IST)
5नवी दिल्ली, दि. 13 (वृत्तसंस्था) : सर्वोच्च न्यायालयाचे दुसर्‍या क्रमांकाचे न्यायमूर्ती रंजन गोगोई हे देशाचे नवे सरन्यायाधीश असणार आहेत. राष्ट्रपतींनी नवे सरन्यायाधीश म्हणून गोगोई यांची नियुक्ती केली आहे. ते 3 ऑक्टोबरला सरन्यायाधीशपदाची शपथ घेतील. विद्यमान सरन्यायाधीश दीपक मिश्रा हे 2 ऑक्टोबरला निवृत्त होत असून आपले उत्तराधिकारी म्हणून न्या. मिश्रा यांनी न्या. गोगोई यांच्या नावाची केंद्र सरकारला शिफारस केली होती. त्यावर केंद्र सरकारने शिक्कामोर्तब केल्यावर राष्ट्रपतींनी याबाबत आदेश काढला आहे. न्या. गोगोईंच्या रूपाने ईशान्य भारतातील व्यक्ती प्रथमच सरन्यायाधीशपदी नियुक्त होते आहे. सर्वोच्च न्यायालयतील ज्येष्ठताक्रम लक्षात घेता न्या. मिश्रा यांच्यानंतर न्या. गोगोई हे दुसर्‍या स्थानी आहेत. सरन्यायाधीशांनंतर सर्वोच्च न्यायालयातील सर्वात वरिष्ठ न्यायमूर्तींना सरन्यायाधीशपदाची जबाबदारी दिली जाते. न्या. गोगोई यांचा जन्म 18 नोव्हेंबर 1954 रोजी झाला.
Friday, September 14, 2018 AT 08:43 PM (IST)
अरुण जेटलींच्या राजीनाम्याची काँग्रेसची मागणी गांधी कुटुंबाची मल्ल्यावर मेहेरबानी : भाजपचा आरोप 5नवी दिल्ली, दि. 13 (वृत्तसंस्था) : भारतीय बँकांना नऊ हजार कोटी रुपयांना चुना लावून ब्रिटनमध्ये फरार झालेला उद्योगपती विजय मल्ल्याने देश सोडण्यापूर्वी आपण केंद्रीय अर्थमंत्री अरुण जेटली यांची भेट घेऊन कर्जफेडी संदर्भात तडजोडीचा प्रस्ताव दिला होता, असा खळबळजनक दावा बुधवारी केल्यानंतर केंद्रातील सत्ताधारी भाजप आणि विरोधी पक्ष काँग्रेसमध्ये जोरदार शब्दयुद्ध सुरू झाले आहे. मल्ल्याचा दावा फेटाळताना जेटली यांनी काल त्याला भेटीची वेळ दिली नव्हती आणि त्याने कोणताही लिखित प्रस्ताव दिला नसल्याचे तातडीने स्पष्ट केले होते. त्यावर आज काँग्रेस अध्यक्ष राहुल गांधी यांनी पत्रकार परिषद घेऊन मल्ल्या व जेटली यांचे संगनमत होते असे सांगत त्यांच्या राजीनाम्याची मागणी केली. त्यावर भाजपनेही पलटवार केला असून उलट मल्ल्यावर गांधी कुटुंबीयांनी मेहरबानी केल्यानेच त्याला विनासायास हजारो कोटींचे कर्ज मिळाल्याचा आरोप भाजप नेत्यांनी केला आहे.
Friday, September 14, 2018 AT 08:36 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: