Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 117
5सातारा, दि. 12: नागेवाडी, ता. सातारा येथील क्रशरवर परप्रांतीय मजुराचा खून झाल्याची घटना मंगळवारी सकाळी समोर आली. रामसुंदरसिंह (वय 38), मूळ रा. रानाबिगाह पटना, बिहार असे मृताचे नाव आहे. खुनाचे कारण अद्याप समजले नसले तरी संशयित म्हणून मृताचा भाचा कन्हैयाचे नाव पोलिसांच्या प्राथमिक चौकशीत समोर आले आहे. क्रशर मॅनेजर तानाजी शरद मोरे (वय 32) यांनी सातारा तालुका पोलीस ठाण्यात फिर्याद दिली आहे. पोलीस सूत्रांनी दिलेल्या माहितीनुसार रामसुंदरसिंह हा परप्रांतीय मजूर विक्रम जाधव (पाटण) यांच्या क्रशरवर  गेल्या काही महिन्यांपासून कामाला होता.      त्याचा भाचा कन्हैया जवळच्याच दुसर्‍या एका क्रशरवर कामाला होता. सायंकाळी मात्र दोघेही एकाच ठिकाणी मुक्कामाला असत. क्रशर मॅनेजर मोरे सोमवारी सायंकाळी साडेसहा वाजता काम संपवून घरी गेले. सकाळी ते नेहमीप्रमाणे कामावर आले असता क्रशर कार्यालयापासून पन्नास फुटावरील मोकळ्या मैदानात रामसुंदरसिंह याचा मृतदेह आढळून आला. रामसुंदरसिंहच्या डोक्याच्या मागील बाजूस मोठी जखम होऊन त्यातून मोठा रक्तस्त्राव झाला होता. त्याचा भाचा कन्हैया तेथे नसल्याचे त्यांच्या लक्षात आले.
Wednesday, November 13, 2019 AT 08:36 PM (IST)
5सातारा, दि. 10 : माणूस म्हणून जन्म मिळाला तरी अनेकजण माणसाचा जन्म जगत नाहीत. आपणा सर्वांवर संस्कार करणारे हे आपल्यातील गुणांना विरोध करणारे घटक काढण्याचे काम करतात. असेच सर्व क्षेत्रात झळकणारे अरुणजी हे अनेक मूर्तीर्ंचा संगम आहेत, असे उद्गार प. पू. काडसिद्धेश्‍वर स्वामी यांनी काढले. येथील ज्येष्ठ करसल्लागार, साहित्य, चित्रपट, प्रकाशन, अध्यात्म व सामाजिक कार्य अशा बहुविध क्षेत्रात आपल्या कर्तृृत्वाने सातारचे नाव उज्ज्वल करणारे अरुण गोडबोले यांच्या अमृत महोत्सव वर्षपूर्तीनिमित्त शाहू कलामंदिर येथे अभीष्टचिंतन स्नेहमेळावा पार पडला. त्यावेळी ते बोलत होते.  कार्यक्रमास  सुप्रसिध्द बासरीवादक पद्मविभूषण पं. हरिप्रसाद चौरासिया, कणेरी मठाचे काडसिद्धेश्‍वर स्वामी, ज्येष्ठ दिग्दर्शक, लेखक व चित्रकार राजदत्त, सत्कारमूर्ती अरुण गोडबोले, सौ. अनुपमा गोडबोले यांची प्रमुख उपस्थिती होती. अध्यक्षस्थानी ज्येष्ठ मार्गदर्शक आणि माजी नगराध्यक्ष श्रीमंत शिवाजीराजे भोसले होते. सोहळ्याच्या पूर्वार्धात पं.
Monday, November 11, 2019 AT 09:03 PM (IST)
एक गंभीर जखमी : दोन युवकांना अटक 5सातारा, दि. 10 : शहरातील मंगळवार पेठ, व्यंकटपुरा हा भाग दिवसेंदिवस संवेदनशील बनू लागला असून शनिवारी 8च्या सुमारास शाहू कला- मंदिर परिसरातील विठोबा मंदिरासमोरच एका युवकावर दोन युवकांनी तलवारीने हल्ला केल्याची खळबळजनक घटना घडली. या घटनेत ऋषिकेश किरण गोसावी (वय 30), रा. व्यंकटपुरा पेठ, सातारा हा युवक गंभीर जखमी झाला आहे. त्याच्यावर जिल्हा रुग्णालयात उपचार सुरु आहेत. याबाबत ऋषिकेश गोसावी याने पोलिसांना दिलेल्या जबाबानंतर शाहूपुरी पोलीस ठाण्यात सुमित विजय यादव व गौरव राजेंद्र जाधव, दोघे रा. व्यंकटपुरा पेठ, सातारा यांच्यावर गुन्हा दाखल करण्यात आला आहे. पोलिसांनी या घटनेचा तातडीने तपास करत रात्रीच सुमित यादव व गौरव जाधव या दोघांना अटक केली आहे. त्यांना न्यायालयासमोर हजर केले असता तीन दिवसांची पोलीस कोठडी सुनावण्यात आली आहे. दरम्यान या हल्ल्यात आणखी काहींचा सहभाग असण्याची शक्यता असून त्या अनुषंगाने पोलीस तपास करत आहेत. याबाबत पोलिसांनी दिलेली माहिती अशी, रात्री 8 च्या सुमारास ऋषिकेश गोसावी हा व्यंकटपुरा पेठेतील युवक शाहू कलामंदिर परिसरातून चालला होता.
Monday, November 11, 2019 AT 08:58 PM (IST)
5सातारा, दि. 10 : बोगदा ते शेंद्रे रस्त्यावरील सोनगाव, ता. सातारा गावच्या हद्दीतील एका विहिरीत एका अनोळखी 30 ते 35 वर्षीय व्यक्तीचा मृतदेह आढळून आल्याने एकच खळबळ उडाली आहे. याबाबत सातारा तालुका पोलीस ठाण्यात या घटनेची नोंद झाली असून ही घटना दि. 9 रोजी घडली आहे. याबाबत पोलिसांनी दिलेली माहिती अशी, सोनगाव, ता. सातारा गावच्या हद्दीत वाकडदान नावाच्या शिवारात असलेल्या सुनील बळीराम नावडकर यांच्या मालकीच्या विहिरात एका अनोळखी पुरुषाचा मृतदेह आढळून आला. त्याचे वय 30 ते 35 वर्षादरम्यान असून अंगात काळ्या, निळ्या पट्ट्याचा टीशर्ट, निळ्या रंगाची पँट परिधान केली आहे. या घटनेची माहिती परिसरात कळताच एकच खळबळ उडाली. घटनेची खबर नितीन उत्तम नावडकर यांनी सातारा तालुका पोलीस ठाण्यात दिल्यानंतर पोलिसांनी घटनास्थळी जावून मृतदेह ट्रेकरच्या सहकार्याने बाहेर काढला. विहिरीत बुडून अनोळखीचा मृत्यू अशी सातारा तालुका पोलीस ठाण्यात झाली असून या घटनेचा तपास पोलीस उपनिरीक्षक देसाई करत आहेत. यासंदर्भात कोणास काही माहिती असलेल्या संबंधितांनी तालुका पोलीस ठाण्याशी संपर्क साधावा, असे आवाहन पोलिसांनी केले आहे.    
Monday, November 11, 2019 AT 08:56 PM (IST)
नगरसेवकांचा आरोप शंकर गोरे यांच्या बदलीवर ठाम शशिकांत कणसे 5सातारा, दि. 8 : सातारा येथे सुरू असणारे भुयारी गटार योजनेचे काम निकृष्ट पद्धतीने केले जात असून संबंधित ठेकेदाराने ज्या ज्या ठिकाणी निकृष्ट दर्जाचे काम केले आहे त्या ठिकाणी दर्जेदार काम करूनच पुढील काम हातात घ्यावे असा सूर बहुतांश सर्वच नगरसेवकांनी आळवला. दरम्यान, मुख्याधिकारी शंकर गोरे यांच्या बदलीवर नगराध्यक्ष, उपनगराध्यक्ष, सर्व सभापती आणि नगरसेवक ठाम असून याबाबतचा निर्णय श्री. छ. उदयनराजे भोसले व आ. शिवेंद्रसिंहराजे भोसले यांच्याशी चर्चा करून घेण्यावर आज शिक्कामोर्तब झाले. सातारा नगरपालिकेचे मुख्याधिकारी शंकर गोरे यांनी विशेष सभेमध्ये सभात्याग केल्यानंतर त्यांच्या या वर्तनाबाबत सातारा विकास आघाडी, नगरविकास आघाडी आणि भाजपच्या नगरसेवकांनी तीव्र नाराजी व्यक्त केली होती. त्या पार्श्‍वभूमीवर नगराध्यक्षा सौ. माधवी कदम यांनी आज शुक्रवारी सकाळी 11.30 आपल्या दालनामध्ये उपनगराध्यक्ष, सर्व सभापती आणि नगरसेवकांची गोपनीय बैठक आयोजित केली होती.
Saturday, November 09, 2019 AT 08:44 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: