Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 21
भारत आजमावणार राखीव फळीचा कस 5कोलंबो, दि. 30 (वृत्तसंस्था) : भारत आणि श्रीलंका यांच्यात उद्या कोलंबो येथे होणार्‍या चौथ्या एकदिवसीय सामन्यात भारतीय संघ आपल्या राखीव फळीचा कस आजमावण्याची शक्यता आहे. कसोटी मालिकेपाठोपाठ पाच एकदिवसीय सामन्यांची मालिकाही  भारताने विजयाची ‘हॅट्ट्रिक’ करून खिशात घातल्याने उर्वरित दोन सामन्यांना फारसे महत्त्व उरलेले नाही. मात्र, उद्याचा सामना भारताचा माजी कर्णधार महेंद्रसिंग धोनीच्या देदीप्यमान कारकिर्दीतील त्रिशतकी सामना ठरणार असल्याने त्याच्यावरच सर्वांचे लक्ष केंद्रित राहणार आहे. कसोटी मालिकेनंतर पहिले तीन एकदिवसीय सामने जिंकून भारताने या मालिका विजयावरही शिक्कामोर्तब केले असले तरी पुढचे दोन सामने जिंकून यजमान लंकेवर निर्विवाद वर्चस्व गाजवण्याचा कर्णधार विराट कोहली आणि कंपनीचा इरादा आहे. त्याचबरोबर फलंदाजीत सुधारणा करण्याकडेही संघाचे लक्ष आहे. मागच्या दोन सामन्यांमध्ये मधल्या फळीने कच खाल्ल्यानंतर धोनीने अनुक्रमे भुवनेश्‍वरकुमार व रोहित शर्मा यांच्या साथीत भारताला संकटातून बाहेर काढत विजय मिळवून दिले.
Thursday, August 31, 2017 AT 08:53 PM (IST)
5पल्लेकले, दि. 23 (वृत्तसंस्था) : कसोटी मालिकेतील निर्भेळ यशानंतर एकदिवसीय मालिकेतील पहिला सामना जिंकणार्‍या भारतीय क्रिकेट संघाचा ही विजयी वाटचाल पुढेही सुरू ठेवण्याचा निर्धार आहे. श्रीलंकेविरुद्ध उद्या होणार्‍या दुसर्‍या एकदिवसीय सामन्यात प्रतिस्पर्ध्यांना निर्दयीपणे नामोहरम करण्यासाठी कोहली आणि कंपनी सज्ज आहेे. कसोटी मालिकेत यजमानांना 3-0 ने ‘व्हाईटवॉश’ दिल्यानंतर पहिल्या एकदिवसीय सामन्याही भारताने तब्बल 9 गडी आणि 133 चेंडू राखून विजय मिळवला होता. श्रीलंकेची कामगिरी इतकी खराब होत आहे, की पहिल्या एकदिवसीय सामन्यानंतर संघाची बस संतप्त चाहत्यांनी अडवली होती. संघाचे प्रमुख प्रशिक्षक निक पोथास यांनी या खराब कामगिरीला संघ व्यवस्थापक असांका गुरुसिंघे यांना जबाबदार ठरवले आहे. गुरुसिंघे यांनी 11 खेळाडूंचा अंतिम चमू निवडताना नको इतका हस्तक्षेप केल्याने कसोटी कर्णधार आणि एकदिवसीय क्रिकेटमधील स्फोटक फलंदाज दिनेश चंदीमलला वगळण्यात आले. एकदिवसीय क्रिकेटमध्ये चंदीमल चौथ्या स्थानावर खेळतो. मात्र, एकदिवसीय संघाचा कर्णधार उपुल थरंगाने पहिल्या सामन्यात स्वत:साठी चंदीमलचे स्थान निवडले. एरवी थरंगा सलामीला खेळतो.
Thursday, August 24, 2017 AT 09:03 PM (IST)
5ग्लासगो, दि. 22 (वृत्तसंस्था) : भारताची अव्वल बॅडमिंटनपटू पी. व्ही. सिंधूने दुसर्‍या फेरीत दक्षिण कोरियाच्या किम ह्यो मिन हिच्यावर 21-16, 21-14 अशी मात करून स्कॉटलंडमध्ये सुरू असलेल्या जागतिक बॅडमिंटन अजिंक्यपद स्पर्धेची उपांत्यपूर्व फेरी गाठली. सिंधूला पहिल्या फेरीत पुढे चाल मिळाली होती. या स्पर्धेत अन्य भारतीय बॅडमिंटनपटूंनी चांगली कामगिरी केली. किदम्बी श्रीकांतने पहिल्या दिवशी विजयी सलामी देत दुसर्‍या फेरीत प्रवेश केला. त्यानंतर मंगळवारी ऑलिम्पिक रौप्यपदकविजेती पी. व्ही. सिंधू आणि पुरुष खेळाडूंमध्ये साई प्रणित यांनी आपापले सामने जिंकले. सिंधूने किम ह्यो मिनवर 21-16, 21-14 अशी मात केली. या सामन्यात सिंधूने वर्चस्व राखले. पहिल्याच गेममध्ये सिंधूने 8-0 अशी आघाडी घेत किमला बॅकफूटवर ढकलले. हा गेम एकतर्फी होणार, असे वाटत असताना किमने जोरदार पुनरामन केले. मात्र, त्यानंतर सिंधूने अनुभव पणाला लावत सिंधूने 6 गुणांची आघाडी कायम ठेवली होती. अखेरच्या क्षणात किमने सिंधूला चांगली टक्कर दिली. काही सुरेख पॉईंट मिळवत किमने आघाडी भरून काढण्याचा प्रयत्न केला. अखेर सिंधूने पहिला गेम 21-16 अशा फरकाने आपल्या खिशात घातला.
Wednesday, August 23, 2017 AT 09:01 PM (IST)
हरमनप्रीत कौर, चेतेश्‍वर पुजारा अर्जुन पुरस्काराचे मानकरी 5नवी दिल्ली, दि. 22 (वृत्तसंस्था) : यंदाच्या राजीव गांधी खेलरत्न पुरस्कारासाठी पॅरालिम्पिकमध्ये दोन सुवर्णपदके मिळवणारा देवेंद्र झाझरिया आणि हॉकीपटू सरदारसिंग यांच्या नावांची घोषणा केंद्रीय क्रीडा मंत्रालयाने मंगळवारी केली. झाझरिया हा खेलरत्न मिळवणारा पहिलाच पॅरालिम्पिकपटू ठरला आहे. या पुरस्कारासाठी आणखी एक पॅरालिम्पिकपटू दीपा मलिकचे नाव चर्चेत होते. त्याचबरोबर अर्जुन, द्रोणाचार्य आणि ध्यानचंद पुरस्कारांची घोषणा करण्यात आली आहे. महिला विश्‍वचषक गाजवणारी क्रिकेटपटू हरमनप्रीत कौर आणि टीम इंडियाच्या कसोटी संघाचा आधारस्तंभ असलेला चेतेश्‍वर पुजारा यांना अर्जुन पुरस्कार जाहीर करण्यात आला आहे. माजी ऑलिम्पिकपटू, अर्जुन पुरस्कार, द्रोणाचार्य पुरस्कार आणि ध्यानचंद पुरस्कार विजेत्यांच्या समितीने केलेल्या शिफारशींनुसार केंद्रीय क्रीडा मंत्रालयाने यंदाच्या क्रीडा पुरस्कार विजेत्यांच्या नावांची घोषणा केली आहे. निवृत्त न्यायाधीश सी. के.
Wednesday, August 23, 2017 AT 08:55 PM (IST)
5कँडी, दि. 13 (वृत्तसंस्था) : हार्दिक पांड्या आणि कुलदीप यादव या भारताच्या युवा खेळाडूंमुळे यजमान श्रीलंकेसमोर तिसर्‍या कसोटीत डावाच्या पराभवाचे संकट उभे ठाकले आहे. पांड्याच्या 86 चेंडूंमधील धुवाँधार शतकानंतर कुलदीप यादवच्या फिरकीपुढे लंकेच्या फलंदाजांनी सपशेल नांगी टाकल्याने भारताच्या 487 धावसंख्येसमोर लंकेचा पहिला डाव 135 धावांमध्ये आटोपला. भारताचा कर्णधार विराट कोहलीने फॉलोऑन दिल्यानंतर दुसर्‍या डावातही लंकेच्या डावाची सुरुवात निराशाजनक झाली. सलामीवीर उपुल थरंगा दुसर्‍या डावातही लवकर तंबूत परतला. कुलदीप यादवने चार बळी घेऊन पहिल्या डावात लंकेच्या फलंदाजीचे कंबरडे मोडले. त्याला मोहम्मद शमी, अश्‍विन व पांड्या यांची उत्कृष्ट साथ लाभली. या कसोटीत पांड्याने अनेक विक्रम आपल्या नावावर केले. पहिल्या डावात श्रीलंकेची अवस्था दयनीय झाली. कर्णधार दिनेश चंदीमलचा अपवाद वगळता एकही फलंदाज भारतीय गोलंदाजांसमोर उभा राहू शकला नाही. सलामीवीर उपुल थरंगा याही कसोटीत अपयशी ठरला. मोहम्मद शमीने तिसर्‍याच षटकात थरंगाला यष्टीरक्षक साहाच्या हाती झेल द्यायला भाग पाडले.
Monday, August 14, 2017 AT 08:56 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: