Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 71
5सातारा, दि. 10 : येथील सदरबझार हद्दीत असणार्‍या लक्ष्मी टेकडी झोपडपट्टीमध्ये सुरू असलेल्या जुगार अड्ड्यावर छापा टाकून पोलिसांनी सुमारे 1 लाख 80 हजार रुपयांचा ऐवज हस्तगत केला. याबाबत पोलिसांनी दिलेली माहिती अशी, की दि. 9 रोजी 2.50 वाजता लक्ष्मी टेकडी झोपडपट्टीमधील पाण्याच्या टाकीखाली जुगार अड्डा सुरू असल्याची माहिती मिळाल्यानंतर त्या ठिकाणी पोलिसांनी छापा टाकला असता बबन पांडुरंग थोरात (वय 28), रा. लक्ष्मी टेकडी, सदरबझार, सातारा, लक्ष्मण दत्तू माने (वय 38), रा. लिंब, ता. सातारा, दिलीप दत्तू पवार ( वय 38), रा. वाठार किरोली, ता. कोरेगाव, विनोद विठ्ठल माने (वय 36), रा. गोडोली, ता. सातारा, अजित बाळू माने (वय 36), रा. सदरबाझर, सातारा, अण्णा लाला माने (वय 40), रा. पाटखळ, ता. सातारा हे सहा जण जुगार खेळताना आढळून आले.  त्यांच्याकडून 1 लाख 80 हजार रुपयांच्या साहित्यासह 2 दुचाकी, 4 मोबाइल हस्तगत करण्यात आले. या घटनेची नोंद सातारा शहर पोलीस ठाण्यात झाली आहे.
Friday, October 11, 2019 AT 08:34 PM (IST)
5सातारा, दि. 9 : सातार्‍यात मंगळवारी शाही दसरा उत्साहात साजरा झाला. पोवई नाका येथे ऐतिहासिक भवानी तलवारीचे पूजन करण्यात आले तसेच सार्वजनिक मंडळांच्या देवींचे विसर्जन करण्यात आले. सायंकाळी जलमंदिरात श्री. छ. उदयनराजे भोसले यांनी राजघराण्याच्या भवानी तलवारीचे पूजन केले. यावेळी राजमाता श्री. छ. कल्पनाराजे भोसले, श्री. छ. दमयंतीराजे भोसले, नगराध्यक्षा माधवी कदम, उपनगराध्यक्ष किशोर शिंदे,  सुनील काटकर आदी उपस्थित होते. दरम्यान, शहरातील सार्वजनिक नवरात्रौत्सव मंडळांनी रिमझिमत्या पावसामध्ये आदिशक्तींना विसर्जन तळ्यांमध्ये विसर्जन करून भावपूर्ण निरोप दिला. तलवारीचे पूजन केल्यावर भवानी तलवार फुलांनी सजवलेल्या पारंपरिक लाकडी पालखीत ठेवून मिरवणुकीने पोवई नाका येथील पूजनाच्या ठिकाणापर्यंत आणण्यात आली. गाववेशीच्या बाहेर सीमोल्लंघन करण्यात आले. मिरवणुकीच्या अग्रभागी सनई-चौघडा, शिंग-तुतार्‍यांचा समूह, राजघराण्यातील मानकरी, नऊवारी साडी नेसलेल्या मुली तसेच फेटाधारी युवक होते. राजपथावरून ही मिरवणूक पोवई नाक्यावर आल्यानंतर फटाक्यांची आतषबाजी करण्यात आली.
Thursday, October 10, 2019 AT 08:56 PM (IST)
5सातारा, दि. 6 ः शुक्रवारी अर्ज भरण्याची अंतिम मुदत होती. तर शनिवारी अर्जाची छाननी पार पडली. त्यामध्ये जिल्ह्यातील 8 विधानसभा मतदारसंघात 108 उमेदवारांचे अर्ज वैध ठरले आहेत. आज उमेदवारी अर्ज माघारी घेण्याची अंतिम मुदत आहे. किती उमेदवार आपले अर्ज माघारी घेतात याकडे सर्वांचे लक्ष लागले आहे. त्यामुळे आज जिल्ह्यातील लढतीचे चित्र स्पष्ट होणार आहे. उमेदवारांना आपला अर्ज मागे घेण्यासाठी केवळ सोमवारी 7 रोजी दुपारी 3 वाजेपर्यंतच मुदत मिळणार आहे. या वेळेत अर्ज मागे न घेतल्यास शिल्लक अर्ज अंतिम होणार आहेत. ते उमेदवार थेट निवडणूक रिंगणात उतरणार आहेत. त्यामुळे कोणत्या मतदारसंघात किती उमेदवार निवडणुकीला सामोरे जाणार आहेेत. हे आज स्पष्ट होणार आहे.
Monday, October 07, 2019 AT 08:46 PM (IST)
शरद पवार, अजित पवार, डॉ. अमोल कोल्हे, अमोल मेटकरी यांच्याही तोफा धडधडणार - शशिकांत कणसे 5सातारा, दि. 4 : सातारा लोकसभा मतदारसंघातील पोटनिवडणूक आणि जिल्ह्यातील आठ विधानसभा निवडणुकांसाठी दि. 21 ऑक्टोबर रोजी मतदान होत असून या निवडणुकीच्या रणधुमाळीत पंतप्रधान नरेंद्र मोदी,  केंद्रीय मंत्री अमित शहा या दोन प्रमुख नेत्यांसह भाजपचे मातब्बर नेते प्रचाराच्या रणधुमाळीत सहभागी होणार असल्याची माहिती भाजपच्या सूत्रांनी दिली. दरम्यान, राष्ट्रवादी काँग्रेस आणि काँग्रेस पक्षासह आघाडीच्या उमेदवारांचा प्रचार करण्यासाठी राष्ट्रवादीचे अध्यक्ष शरद पवार, माजी मुख्यमंत्री पृथ्वीराज चव्हाण, माजी उपमुख्यमंत्री अजित पवार, शिरूर लोकसभा मतदारसंघाचे खा. डॉ. अमोल कोल्हे, अमोल मेटकरी यांच्याही तोफा धडाडणार असल्याने काही दिवसातच जिल्ह्यामध्ये मोठ्या प्रमाणावर प्रचाराची राळ उडणार असल्याची चिन्हं आहेत. विधानसभा निवडणुकीच्या पार्श्‍वभूमीवर राष्ट्रवादी काँग्रेसमधून श्री. छ.
Saturday, October 05, 2019 AT 08:55 PM (IST)
5सातारा, दि.29 ः आदिशक्ती दुर्गादेवीच्या नवरात्रोत्सवास रविवारपासून भक्तिमय वातावरणात प्रारंभ झाला. आश्‍विन शुद्ध प्रतिपदा ते नवमी हा देवी उपासनेच्या काळाला नवरात्र उत्सव म्हटले जाते. नवरात्रोत्सानिमित्त सातारा, कराड, पाटण, फलटण, वाई  शहरांसह विविध तालुक्यांमध्ये ठिकठिकाणी दुर्गामातेच्या मूर्तींची मनोभावे प्रतिष्ठापना करण्यात आली. शहरासह तालुक्यातील बहुतांश देवीच्या मंदिरात आकर्षक सजावटी व विद्युत रोषणाई करण्यात आल्यामुळे सर्वत्र मंगलमय वातावरण निर्माण झाले होते. नवरात्रोत्सवाच्या प्रारंभी घरोघरी घटस्थापना केली जाते. आदिशक्ती असलेल्या देवीपुढे अखंड दीप लावला जातो. रात्री देवीपुढे बसून उपासना, जप, ग्रंथवाचन, देवीची भजने, स्तोत्र पठण केले जाते. देवी का आणि कशी प्रकट झाली  याबद्दल देवी महात्म्याचे वाचन केले जाते. देवी महात्म्य या ग्रंथात नमूद केल्याप्रमाणे, पूर्वी पृथ्वीवर ‘महिषासूर’ नावाच्या राक्षसाने फार उन्माद माजवला होता. त्याने देव-देवतांसह ऋषिमुनी, साधू, संत, सज्जन आणि भाविक भक्तांनाही अक्षरश: सळो की पळो करून सोडले होते. यावेळी  सर्वजण ब्रह्मा, विष्णू, महेश या देवतांकडे गेले.
Monday, September 30, 2019 AT 08:42 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: