Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 65
5सातारा, दि. 21 : केंद्रातील व राज्यातील भाजप सरकार म्हणजे खोट बोल, पण रेटून बोल असे आहे. शरद पवारांचे पंतप्रधान पदाचे स्वप्न साकार करण्यासाठी  युवकांनी बदल घडवून आणला पाहिजे. देशातील सरकार बदलले नाही तर बेकारी वाढून भयानक परिस्थिती निर्माण होईल. यासाठी युवकांनी विचार करून मतदान करून भाजप सरकारला सत्तेवरून पायउतार करावे, असे आवाहन खा. उदयनराजे भोसले यांनी केले. बुधवारी  सकाळी राष्ट्रवादी भवन  येथे बैठकीचे नियोजन केले होते. यावेळी पक्षाचे जिल्हा प्रभारी आ. शशिकांत शिंदे,  माजी आमदार विक्रमसिंह पाटणकर, आ. बाळासाहेब पाटील, आ. श्री. शिवेंद्रसिंहराजे भोसले, आ. मकरंद पाटील, माजी आमदार प्रभाकर घार्गे, जिल्हाध्यक्ष सुनील माने यांची प्रमुख उपस्थिती होती. या बैठकीला पक्षाचे आजी, माजी जिल्हा परिषद, पंचायत समिती सदस्य, आजी, माजी नगरसेवक,  स्थानिक स्वराज्य संस्थांचे पदाधिकारी, फ्रंटल सेलचे पदाधिकारी, तालुकाध्यक्ष व कार्यकर्त्यांची उपस्थिती होती. खा. उदयनराजे म्हणाले, सर्व आमदारांनी मते मांडली. दर पाच वर्षांनी निवडणुका येतात. कोण तरी विजयी होतो.  मतदारांनी योग्य उमेदवार निवडून दिला पाहिजे.
Friday, March 22, 2019 AT 08:59 PM (IST)
5सातारा, दि. 18 : राष्ट्रवादी काँग्रेसकडून सातारा लोकसभेसाठी खा. श्री. छ. उदयनराजे भोसले यांना उमेदवारी जाहीर झाली असतानाच अद्याप आ. श्री. शिवेंद्रसिंहराजे यांच्या गटामध्ये सन्नाटा असल्यामुळे का रे दुरावा .........अशी अगतिकता उदयनराजे गटाची झाली असल्याचे दिसून येत आहे. दरम्यान, नगरविकास आघाडीमधील ज्येष्ठ नेत्यांना अद्यापही होऊ घातलेले संभाव्य मनोमीलन रुचत नसल्याने बाबांनी आदेश दिला तर आम्ही दादांचे काम करणार असा पवित्रा त्यांनी घेतला आहे त्यामुळे आ. श्री. शिवेंद्रसिंहराजे यांचा गट अद्यापही आपल्या भूमिकेवर ठाम असल्याचे दिसून येत आहे. या नाट्यमय घडामोडीच्या पार्श्‍वभूमीवर खा. श्री. छ. उदयनराजे यांना सातारा-जावली विधानसभा मतदारसंघामध्ये ताकही फुंकून प्यावे लागणार असल्याची चिन्हे आहेत. सातारा पालिकेच्या निवडणुकीपूर्वी उदयनराजे आणि शिवेंद्रसिंहराजे यांच्यामधील मनोमीलनाला तडे गेल्यामुळे या निवडणुकीत सातारा विकास आघाडी विरुद्ध नगरविकास आघाडी निवडणूक रिंगणात उतरली. या निवडणुकीत नगरविकास आघाडीला केवळ 12 जागांवर समाधान मानावे लागले तर सातारा विकास आघाडीने ही निवडणूक जिंकली होती.
Tuesday, March 19, 2019 AT 08:59 PM (IST)
5सातारा, दि. 14 : खोडशी, ता. कराड येथे उसाच्या फडाला लावलेल्या आगीत भाजून एकाचा मृत्यू झाल्याची खळबळजनक घटना घडली. याबाबत पोलिसांनी दिलेली माहिती अशी की, कैलास मस्कू अर्जुन (वय 50), मूळ राहणार झरे, ता. आटपाडी सध्या राहणार खोडशी, ता. कराड हा गुर्‍हाळ कामगार बुधवारी रात्री उसाच्या शेताच्या फडात झोपला होता. दरम्यान शेतकर्‍यांनी उसाचा फड पेटविला असता त्यात तो भाजून जखमी झाला. त्याला प्रथम सह्याद्री हॉस्पिटल कराड येथे दाखल करण्यात आले, तदनंतर येथील जिल्हा रुग्णालयात आणले असता उपचारापूर्वीच त्याचा मृत्यू झाला.
Friday, March 15, 2019 AT 08:46 PM (IST)
5सातारा, दि. 12 : दि. 8 मार्च रोजी येथील जरंडेश्‍वर नाक्यावर एका युवकाला वर्चस्ववादातून जीवे मारण्याचा प्रयत्न केल्याप्रकरणी स्थानिक गुन्हे अन्वेषण शाखा आणि सातारा तालुका पोलीस स्टेशनच्या संयुक्त पथकाने चौघांना अटक केली आहे. चौघांपैकी दोन जण अल्पवयीन असल्याने दोघांनाच न्यायालयापुढे उभे केले जाईल अशी माहिती सहाय्यक पोलीस अधीक्षक समीर शेख यांनी पत्रकार परिषदेत दिली. समीर शेख पुढे म्हणाले, दि. 8 मार्च रोजी वाढे, ता. सातारा गावच्या हद्दीत महामार्गालगत असलेल्या निसर्ग धाब्यासमोर गौरव गणेश इंगवले (वय 25), रा. सदरबाझार, सातारा व त्यांचे सहकारी आणि सूरज ज्ञानेश्‍वर कदम (वय 24), रा. खेड, ता. सातारा, शुभम हिंदुराव चतुर (वय 23), रा. चिखली, (पिंपरी चिंचवड) आणि त्यांचे सहकारी यांच्यामध्ये वर्चस्ववादातून वादावादी झाली होती. तो विषय तिथेच संपला होता. त्यानंतर काही वेळाने गौरव गणेश इंगवले व त्याचे सहकारी मोटरसायकलवरून जरंडेश्‍वर नाका येथे बोलत बसले असताना त्या ठिकाणी सूरज ज्ञानेश्‍वर कदम, शुभम हिंदुराव चतुर व त्यांच्या सहकार्‍यांनी येऊन गौरव इंगवले यास कोयता व लोखंडी सळीने डोक्याला मारहाण केली.
Wednesday, March 13, 2019 AT 09:01 PM (IST)
5सातारा, दि. 8 : सातारा पंचायत समितीमध्ये 9 महिला सदस्य कार्यरत आहेत. गेल्या दोन वर्षांत त्यांनी आपआपल्या गणात केलेली विकासकामे प्रेरणादायी अशीच आहेत, असे प्रतिपादन सभापती मिलिंद कदम यांनी केले. सातारा पंचायत समितीमध्ये जागतिक महिला दिनानिमित्त आयोजित करण्यात आलेल्या महिला सदस्यांच्या सत्कारप्रसंगी ते बोलत होते. गटविकास अधिकारी अमिता गावडे, सदस्या सौ. सरिता संभाजी इदंलकर, सौ. वसुंधरा सजंय ढाणे, सौ. अलका रवींद्र बोभाटे, सौ. रेखा दत्तात्रय शिंदे, सौ. छाया हणमंत कुंभार, सौ. विद्या तानाजी देवरे, विजया माधवराव गुरव, बेबीताई महेश कुंभार, सौ. कांचन सुभाष काळे, राहुल शिंदे आदी उपस्थित होते. मिलिंद कदम  म्हणाले, राष्ट्रवादीचे अध्यक्ष शरद पवार यांनी महिलांना राजकारणात 50 टक्के आरक्षण देण्याचा निर्णय घेतल्यामुळे आज महिलांना मंत्री, महापौर, जिल्हा परिषद अध्यक्ष, नगरपालिका अध्यक्ष, पंचायत समिती सभापती आदी पदे भूषवण्याचा मान मिळाला आहे.मुळात सातारा पंचायत समितीला राज्य शासनाकडून अत्यंत कमी निधी दिला जातो. त्यामुळे या निधीचे वाटप करताना महिला सदस्यांना प्राधान्य देण्याची भूमिका आम्ही नेहमीच घेतली.
Saturday, March 09, 2019 AT 08:55 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: