Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 22
5सातारा, दि. 20 : वाळू उत्खननाचे लिलाव झाले नसतानाही सातारा, कोरेगाव तालुक्यामधील नदीपात्रात बेकायदेशीर वाळू उत्खननाचा सुळसुळाट सुरू आहे. जिल्हा प्रशासनाला कोट्यवधी रुपयांचा चुना लावून वाळू माफिया सैराट झाले असतानाही त्यांच्यावर कोणतीच कारवाई झाल्याचे पाहायला मिळत नसल्याने या दोन्ही तालुक्यातील तलाठी आणि सर्कल यांच्या कार्यक्षमतेवर प्रश्‍नचिन्ह निर्माण होत आहे. महसूल विभागाने अद्याप जिल्ह्यात वाळूचे लिलाव काढले नाहीत. तरीही सातारा तालुक्यातील पाटखळ, माहुली, सोनगाव, महागाव, जैतापूर, तासगाव, कामेरी आणि कोरेगाव तालुक्यातील धामणेर, जिहे, कठापूर, ब्रह्मपुरी, नेरवाडी, तारगाव, नांदगाव या ठिकाणी मोठ्या प्रमाणावर बेकायदेशीर वाळू उत्खनन सुरू असल्याच्या चर्चा आहेत. 9 हजार रुपये प्रति ट्रॉलीने वाळूची विक्री करून वाळू माफिया महसूल विभागाला कोट्यवधी रुपयांचा चुना लावत असतानाही तलाठी, सर्कल, महसूल विभागातील अधिकार्‍यांकडून कोणतीच कारवाई होताना दिसून येत नाही. उलट लोकसभा निवडणुकांच्या काळात पोलिसांनीच अवैध वाळू वाहतूक  करणार्‍या चालकांवर कारवाई केल्याच्या घटना घडल्या आहेत. पाटखळ, ता.
Tuesday, May 21, 2019 AT 09:03 PM (IST)
5सातारा, दि. 20 : सातारा जिल्ह्यातील हजारो शेतकर्‍यांचे जीवनमान उंचावणारी, जिल्ह्याची तत्कालीन लाइफलाइन म्हणून ओळखली जाणारी सातार्‍यातील भू-विकास बँकेची इमारतही आज जमीनदोस्त झाली. गेली पाच दशके भू-विकास बँक चौक म्हणून ओळखली जाणारी चौकाची निशाणीही सातार्‍याच्या इतिहासातून आज पुसून टाकण्यात आली. याबाबत अधिक माहिती अशी, एकेकाळी राज्यभरात शेतकर्‍यांची तारणहार म्हणून ओळखल्या जाणार्‍या भू-विकास बँकांना सुमारे 15 वर्षांपूर्वीच घरघर लागली होती. 2000 साली सत्तेवर आलेल्या तत्कालीन विलासराव देशमुख सरकारने आर्थिक संकटाचा सामना करणार्‍या भू-विकास बँकेला सापत्नभावाची वागणूक दिली होती. त्यामुळे या बँकेचे पुनरुजीवित होण्याची  शक्यता जवळजवळ संपुष्टात आली होती. राज्यातील अनेक सहकार महर्षींना स्वत:च्या आर्थिक संस्था शाबूत ठेवण्यासाठी राज्य भू-विकास बँक अवसायनात काढण्याची घाई झाली होती. गेल्या 15 वर्षांच्या कार्यकालामध्ये राज्य सरकारने भू-विकास बँकांचे पुनरुजीवन करण्यासाठी अर्थसंकल्पात भू-विकास बँक संदर्भात कोणतीही तरतूद करण्यात आली नव्हती. सरकारच्या दुर्लक्षामुळे राज्यभरातील भू-विकास बँका अवसायनात निघाल्या.
Tuesday, May 21, 2019 AT 08:50 PM (IST)
शशिकांत कणसे 5सातारा, दि. 14 : पोवईनाका ते बसस्थानक मार्गावर असणार्‍या जिल्हा बँकेच्या जुन्या इमारतीजवळील मार्ग दुहेरी असल्याने या ठिकाणी दिवसभरात वाहतूक कोंडीच्या अनेक घटना घडत आहेत. सोमवार, दि. 13 रोजी सायंकाळी बसस्थानकाकडून सायरन लावून वेगाने आलेल्या रुग्णवाहिकेला अन्य वाहनचालकांनी रस्ता मोकळा करून देण्याचे सौजन्य न दाखवल्यामुळे या मार्गावर  दुर्घटना घडण्याची वेळ आली होती. त्यामुळे  या ठिकाणचा मार्ग वाहतूक शाखेने एकेरी ठेवण्याची मागणी सातारकर नागरिकांमधून होऊ लागली आहे. याबाबत अधिक माहिती अशी, पोवईनाक्यावरील जिल्हा बँकेच्या जुन्या इमारतीजवळ जिल्हापरिषद  सभापती यांची निवासस्थाने, तहसीलदार व प्रांत कार्यालय, श्री. छ. प्रतापसिंह भोसले मंडई, सातारा मार्केट कमिटी, जिल्हा काँग्रेस कमिटी, सेव्हन स्टार मल्टिप्लेक्स थिएटर आदी महत्त्वाच्या वास्तू आहेत. दिवसभरात या ठिकाणी नागरिकांची मोठ्या प्रमाणावर वर्दळ असते. धनंजयराव गाडगीळ वाणिज्य महाविद्यालय, यशवंतराव चव्हाण शास्त्र महाविद्यालय, छ.
Wednesday, May 15, 2019 AT 09:07 PM (IST)
5सातारा, दि. 9 : पंतप्रधानपदाची संधी कोणाला मिळणार ही गोष्ट आमच्यासाठी गौण आहे. स्वत:चा विचार न करता एकवाक्यता करण्याला आमचे प्राधान्य असून बहुमत करायचे व पाच वर्षे स्थिर सरकार द्यायचे हेच उद्दिष्ट असल्याचे खा. शरद पवार म्हणाले. राज्य सरकारने दुष्काळाकडे गांभीर्याने पहावे. आचारसंहिता आहे म्हणून निर्णय घ्यायला विलंब लावणे योग्य नाही. निर्णय तातडीने घेणे गरजेचे आहे, पण ते घेतलेले नाहीत, अशा शब्दात त्यांनी राज्य सरकारला फटकारले. रयत शिक्षण संस्थेच्या कार्यालयात आयोजित पत्रकार परिषदेत ते बोलत होते. संपूर्ण देशात परिवर्तनाला अनुकूल स्थिती दिसत असून परिवर्तनाला समर्थन देणार्‍या घटकांना एकत्र आणले पाहिजे. या अनुषंगाने चंद्राबाबू नायडू आपल्याशी बोलले असून इतर सर्वांशी ते बोलणार आहेत, असे पवार यांनी सांगितले. मागच्या निवडणुकीत काँग्रेस-राष्ट्रवादीला महाराष्ट्रात सहा जागा मिळाल्या होत्या. आपण काही ज्योतिषी नाही. पण यावेळी फार सुधारणा होईल असे वाटते. सातारची जागा येईल याबद्दल शंका नाही, पण किती मतांनी येईल सांगता येत नाही, असे ते म्हणाले.
Friday, May 10, 2019 AT 08:49 PM (IST)
5सातारा, दि. 25 : थोर स्वातंत्र्यसेनानी आणि महाराष्ट्राचे माजी मुख्यमंत्री बॅरिस्टर बाबासाहेब भोसले यांच्या पत्नी आणि सध्या लोकपाल समितीचे न्यायिक सदस्य असलेल्या न्या. दिलीप भोसले यांच्या मातोश्री श्रीमती कलावती भोसले (वय 95) यांचे वृद्धापकाळाने गुरुवारी मुंबईत निधन झाले. त्यांच्यावर चंदनवाडी, मरीन लाईन्स येथील स्मशानभूमीत शोकाकुल वातावरणात अंत्यसंस्कार करण्यात आले. मूळचे कलेढोण, ता. खटाव येथील असलेल्या बाबासाहेब भोसले यांनी भारतीय स्वातंत्र्यलढ्यात योगदान दिले होते. अत्यंत प्रतिकूल परिस्थितीशी संघर्ष करत त्यांनी उच्च शिक्षण घेतले होते. त्यांनी इंग्लंडमध्ये वकिलीचा अभ्यास करून बॅरिस्टर ही    पदवी मिळवली होती. महाराष्ट्राच्या मुख्यमंत्रिपदाच्या 1982-83 या कार्यकाळात त्यांनी राज्याच्या विकासात उल्लेखनीय कामगिरी बजावली होती. त्यांच्या वाटचालीत पत्नी कलावती यांची मोलाची साथ लाभली होती. बॅ. बाबासाहेब भोसले यांच्या वकिली व्यवसायाचा वारसा त्यांचे चिरंजीव दिलीप भोसले यांनी पुढे चालवताना उच्च न्यायालयाच्या न्यायाधीशपदापर्यंत झेप घेतली. न्या.
Friday, April 26, 2019 AT 08:52 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: