Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 11
पालिका कर्मचार्‍याला शिवीगाळ, धक्काबुक्की 5सातारा,  9 : गणपतराव तपासे मार्गावर  भाजी विक्री करणार्‍या विक्रेत्यांवर कारवाई करण्यास गेलेल्या सातारा नगरपालिकेच्या कर्मचार्‍यांना शिवीगाळ करत एका विक्रेत्याने धक्काबुक्की केली. त्यानंतरही कर्मचार्‍यांनी तेथील साहित्य जप्त केले. मात्र काही काळानंतर विक्रेत्यांनी पदाधिकार्‍यांशी संपर्क साधला आणि त्यानंतर त्यांनी जप्त केलेले साहित्य परत करायला लावले. आम्ही कारवाई केली की काही वेळातच कारवाई मागे घ्यावी लागते. त्यामुळेच कारवाई करण्याच्या फंदात आम्ही पडत नाही, अशी प्रतिक्रिया एका कर्मचार्‍याने नाव प्रसिद्ध न करण्याच्या अटीवर दिली. नगराध्यक्षा सौ. माधवी कदम गुरुवारी दुपारी 12 च्या सुमारास बसस्थानकाकडून गणपतराव तपासे मार्गावर आल्या. त्यावेळी या रस्त्यावर  40 फळ व भाजी विक्रेते बसल्याचे त्यांना दिसले. विक्रेत्यांमुळे तेथे वाहतुकीची कोंडी झाली होती. त्यामुळे त्यांनी  अतिक्रमणविरोधी विभागाच्या कर्मचार्‍यांना वाहतुकीस अडथळा करणार्‍या विक्रेत्यांवर कारवाई करण्याचे आदेश दिले.
Friday, November 10, 2017 AT 08:46 PM (IST)
5सातारा, दि. 8 : राष्ट्रवादी युवक काँग्रेसच्या जिल्हाध्यक्षपदी आ. शशिकांत शिंदे यांचे सुपत्र तेजस शिंदे यांची नियुक्ती अपेक्षेप्रमाणे झाली आहे. आ. शिंदे यांच्या सुपुत्राने जिल्हा युवक अध्यक्षाच्या रूपाने राजकारणामध्ये प्रवेश केला आहे. तेजस शिंदे यांच्या नियुक्तीचे पत्र दोन दिवसात मिळणार आहे. याबाबत अधिक माहिती अशी, राष्ट्रवादी जिल्हा युवकच्या अध्यक्षपदासाठी अनेक मातब्बर शर्यतीत होते. त्यामुळे हे पद कोणाला मिळणार याची उत्सुकता होती. मदनराव पिसाळ यांचे नातू अ‍ॅड. विजयसिंह पिसाळ, आ. शिवेंद्रसिंहराजे यांचे समर्थक बाळू खंदारे, विद्यार्थी सेलचे जिल्हाध्यक्ष अतुल शिंदे यांच्यासह अनेक नावे चर्चेत होती. त्यामध्ये तेजस शिंदे यांनी बाजी मारली आहे.  सर्व नावांवर चर्चा करून राष्ट्रवादीचे विधिमंडळातील नेते आणि माजी उपमुख्यमंत्री अजित पवार यांनी आपला कौल आ. शिंदे यांच्या सुपुत्राच्या बाजूने दिला आहे. तेजस शिंदे यांच्या रूपाने राष्ट्रवादी युवक काँग्रेसला धडाडीचा नवा चेहरा मिळणार आहे.
Thursday, November 09, 2017 AT 08:50 PM (IST)
5 सातारा, दि. 7 : सातारारोडयेथे रस्त्याकडेला बोलत उभे राहिले असताना कारची धडक बसल्याने हरिश्‍चंद्र भीमाजी काशीद (वय 70, रा. खेड नांदगिरी, ता. कोरेगाव) हे जागीच ठार झाले असून याच घटनेत आकोबा बाबा सूळ (वय 60, रा. खेड नांदगिरी) हे गंभीर जखमी झाले आहेत. त्यांना उपचारासाठी रुग्णालयात दाखल करण्यात आले आहे. 
Wednesday, November 08, 2017 AT 08:42 PM (IST)
5सातारा, दि. 30 : घरफोडी करताना रंगेहाथ पकडलेल्या संशयित आरोपीने पोलीस चौकशीत कृष्णानगर येेथे हाफ मर्डर केल्याची कबुली दिली आहे. चोरट्याने हाफ मर्डरची कबुली दिल्याने खळबळ उडाली आहे. चोरी प्रकरणात अटक असलेल्या या संशयिताकडून आणखी काही गुन्हे उघडकीस येण्याची शक्यता आहे.  संशयिताकडून सोन्याचा ऐवजही जप्त करण्यात आला आहे. अटक केलेल्या संशयिताचे अविनाश राजाराम भिसे (वय 21, रा.प्रतापसिंहनगर) असे  नाव आहे.  चोरी प्रकरणी हरिश्‍चंद्र लक्ष्मण मोरे यांनी सातारा शहर पोलीस ठाण्यात तक्रार दिली आहे. याबाबत अधिक माहिती अशी, दि. 27 रोजी संशयित हा विकासनगर येथील विसावा रेसिडेंन्सी अपार्टमेंटमध्ये मध्य-रात्री 1 च्या सुमारास चोरी करत होता.    चोरी करत असताना त्याने अन्य फ्लॅटला बाहेरून कड्या लावल्या होत्या. संशयित चोरी करतोय हे  त्याच्या आवाजामुळे नागरिकांच्या लक्षात आले. या घटनेची माहिती पोलिसांना दिल्यानंतर पोलिसांनी तत्काळ घटनास्थळी धाव घेतली. यावेळी संशयित अविनाश भिसे याला चोरी प्रकरणी रंगेहाथ पकडले. पोलिसांनी अटक करून न्यायालयात हजर केल्यानंतर त्याला चार दिवसांची पोलीस कोठडी मिळाली.
Tuesday, October 31, 2017 AT 08:52 PM (IST)
2 लाख 24 हजारांचा दंड वसूल 5सातारा, दि. 27 :उपप्रादेशिक परिवहन कार्या-लयाच्या वायुवेग पथकातर्फे गुरुवारी रात्री पुणे-बंगलोर महामार्गावर अचानक वाहनांची तपासणी करण्यात आली. यामध्ये 110 वाहने दोषी आढळून आली असून त्यांच्याकडून सुमारे 2 लाख 24 हजार रुपयांचा दंड वसूल करण्यात आला आहे. परिवहन विभागाच्या आदेशा-नुसार उपप्रादेशिक परिवहन अधिकारी संजय धायगुडे यांच्या मार्गदर्शनाखाली मोटार वाहन निरीक्षक राहुल खंदारे, अभिजित पोटे, जयवंत पोळ यांच्या पथकाने गुरुवारी रात्री 11 ते पहाटे 5 वाजेपर्यंत महामार्गावर वाहन तपासणी मोहीम राबवून ही कारवाई केली आहे.
Saturday, October 28, 2017 AT 09:00 PM (IST)
1 2 3
 
© Copyrights 2010 Dainik Aikya.com - All rights reserved.
of
Powered By: