Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 2
5सातारा, दि. 12: तडीपारी आदेशाचा भंग करत सातारा शहरात फिरणार्‍या संजय एकनाथ माने (वय 36), रा. लक्ष्मीटेकडी, सदरबझार याला मंगळवारी दुपारी स्थानिक गुन्हे शाखेच्या पथकाने सातारा मध्यवर्ती बसस्थानकातून  जेरबंद केले. अटकेतील मानेच्या विरोधात सातारा शहर पेालीस ठाण्यात गुन्हा नोंदविण्यात आला आहे. याबाबत पोलिसांनी दिलेली माहिती अशी, की सदरबझार मधील लक्ष्मी टकेडी येथे  राहणार संजय माने हा सराईत गुन्हेगार असून त्याला मे 2018 मध्ये दोन वर्षे कालावधीसाठी सातारा जिल्ह्यातून तडीपार करण्यात आले होते. तडीपार असणारा माने हा मंगळवारी सातारा मध्यवर्ती बसस्थानकात आल्याची माहिती सहाय्यक निरीक्षक विकास जाधव यांना मिळाली. यानुसार त्यांनी हवालदार कांतीलाल नवघणे, मुबीन मुलाणी, गोगावले यांना कारवाईच्या सूचना दिल्या. यानुसार त्यांनी बसस्थानकात जावून त्यास पकडले. पकडलेल्याने स्वत:चे नाव संजय माने असे सांगितले. माने हा तडीपार असतानाही सातारा शहरात फिरत असल्याचे समोर आल्यानंतर त्याला सातारा शहर पोलीस ठाण्यात नेण्यात आले. याची फिर्याद हवालदार कांतीलाल नवघणे यांनी सातारा शहर पोलीस ठाण्यात नोंदवली आहे.
Wednesday, February 13, 2019 AT 09:10 PM (IST)
5सातारा, दि. 5 : गेल्या काही वर्षांमध्ये विविध निवडणुकांमध्ये कार्यकर्त्यांमध्ये मतभेद झाले असतील तर त्याची दुरुस्ती करावी लागणार आहे. डोळ्यासमोर सत्ताबदल हे ध्येय ठेवूनच प्रत्येकाने काम करण्याची गरज आहे. जिल्ह्यात मित्रपक्षाकडून न्याय मिळाला नाही हे खरे असले तरी आपल्यापुढे भाजपरुपी मोठा पक्ष शत्रू म्हणून उभा आहे. त्याला रोखणे आवश्यक आहे. देशपातळीवर 22 पक्ष एकत्र आले असून आगामी निवडणुकी-मध्ये नरेंद्र मोदींना बहुमत मिळणार नाही, असे प्रतिपादन माजी मुख्यमंत्री पृथ्वीराज चव्हाण यांनी केले. येथील काँग्रेस कमिटीच्या पाठीमागील मैदानावर सातारा जिल्हा राष्ट्रीय काँग्रेसचे नूतन अध्यक्ष रणजितसिंह नाईक-निंबाळकर यांचा पदग्रहण समारंभ व कार्यकर्ता मेळाव्यात ते बोलत होते.    आ. मोहन कदम, हिंदुराव नाईक-निंबाळकर, आ. जयकुमार गोरे, आ. आनंदराव पाटील, सौ. रजनी पवार, विजयराव कणसे, मनोहर शिंदे, सुनील काटकर, धनश्री महाडिक, विराज शिंदे, प्रताप देशमुख, बाबासाहेब कदम आदी मान्यवर उपस्थित होते. पृथ्वीराज चव्हाण म्हणाले, महाराष्ट्रात भीषण दुष्काळ पडला.
Wednesday, February 06, 2019 AT 09:08 PM (IST)
 
© Copyrights 2010 Dainik Aikya.com - All rights reserved.
of
Powered By: