Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 89
5वाई, दि. 22 : धोम धरणाच्या कालव्यात पोहण्यासाठी गेलेल्या तिघांचा वेगवेगळ्या ठिकाणी बुडून मृत्यू झाला. यश सुभाष दाभाडे (वय 13, रा. बावधन), रंगदास शामराव सळमाके (वय 20, मूळ रा. पवनी आमगाव, भंडारा, सध्या रा. शेंदूरजणे, वाई) व रमेश विनायक जाधव (वय 28, रा. बोपेगाव, ता. वाई) अशी मृतांची नावे आहेत. याबाबत पोलीस ठाण्यातून मिळालेली माहिती अशी, सोमवार, दि. 21 रोजी यश दाभाडे हा धोम उजव्या कालव्यात सुतारी नावाच्या शिवारात सकाळी 9 वाजता पोहण्यासाठी गेला होता. त्याला व्यवस्थित पोहता येत नसल्याने तो वाहून गेला. मंगळवार, दि. 22 रोजी त्याचा मृतदेह बावधन गावच्या हद्दीत मायनर क्र. 4 जवळ सापडला. याबाबतची खबर त्याचा चुलत भाऊ अमोल दाभाडे याने दिली. दुसर्‍या घटनेत खानापूर येथील रमेश जाधव हा युवकही सोमवारी दुपारी 2.30 च्या सुमारास धोम डाव्या कालव्यात पोहण्यासाठी जात असल्याचे घरात सांगून गेला होता. त्याचाही मृतदेह आज पांडेगावच्या हद्दीत कालव्यात सापडला. याबाबतची खबर आनंदा जाधव यांनी पोलिसात दिली. तर तिसर्‍या घटनेत मूळचा आमगाव, भंडारा येथील रंगदास सळमाके हा मॅप्रो फुड्स, शेंदूरजणे या कंपनीत कामास होता.
Wednesday, May 23, 2018 AT 09:16 PM (IST)
काश्मीरमध्ये सुरक्षा दलांचा नवा मंत्र 5श्रीनगर, दि. 21 (वृत्तसंस्था) : जम्मू-काश्मीरमध्ये गेल्या सात महिन्यात 70 पेक्षा जास्त दहशतवाद्यांचा खात्मा केल्यानंतर भारतीय सुरक्षा दलांनी आता दहशतवाद्यांना जिवंत पकडण्याकडे लक्ष केंद्रित केले आहे. नव्याने दहशतवादी संघटनेत भरती झालेल्या तरुणांना जिवंत पकडून आपल्या कुटुंबांकडे परतण्यासाठी प्रवृत्त करण्याचा प्रयत्न सुरक्षा दले यापुढे करणार आहेत, अशी माहिती वरिष्ठ अधिकार्‍यांनी दिली. दहशतवादी संघटनांमध्ये नव्याने सामील होणार्‍या तरुणांचा ‘ब्रेनवॉश’ करून त्यांना त्यांच्या कुटुंबीयांच्या हवाली करण्यासाठी ही योजना आखण्यात आल्याचे सुरक्षा दलाच्या एका अधिकार्‍याने सांगितले. दहशतवाद्यांचे जाळे मुळापासून उद्ध्वस्त करण्याचा पोलीस आणि सुरक्षा दलांचा प्रयत्न आहे, असे या अधिकार्‍याने सांगितले. त्यांना जिवंत पकडण्याचा प्रयत्न असून त्यांच्या समस्या जाणून घेण्याकडे कल असेल. 15 ते 16 वर्षाच्या एखाद्या तरुणाचे इतकेही ब्रेनवॉश केले जाऊ शकत नाही, की तो थेट चमककीत सहभागी होऊन मृत्यूला कवटाळण्यास तयार होईल. याची नक्कीच दुसरी बाजू असणार, असे मत एका अधिकार्‍याने व्यक्त केले.
Tuesday, May 22, 2018 AT 08:45 PM (IST)
5बंगळुरू, दि. 20 (वृत्तसंस्था) : जेडीएसचे नेते कुमारस्वामी यांनी शनिवारी सायंकाळी साडेसात वाजता कर्नाटकच्या राज्यपालांची भेट घेतली. राज्यपालांनी कुमारस्वामींना सरकार स्थापन्याचे निमंत्रण दिले. त्यानुसार बुधवार, दि. 23 रोजी कुमारस्वामी मुख्यमंत्रिपदाची शपथ घेणार आहेत. राज्यपालांनी कुमारस्वामी यांना बहुमत सिद्ध करण्यासाठी 15 दिवसांची मुदत दिली आहे. दरम्यान, काँग्रेसने जेडीएसला पाठिंबा दिला आहे. त्यामुळे बहुमतासाठी आवश्यक आकडा गाठण्यामध्ये जेडीएसला कोणतीही अडचण येणार नाही. कुमारस्वामींनी आपण 24 तासात बहुमत सिद्ध करणार असल्याचे सांगितले. सोमवारी ते दिल्लीला सोनिया गांधी व राहुल गांधी यांना निमंत्रण देण्यासाठी जाणार आहेत. राजीव गांधी पुण्यतिथीमुळे बदलला दिवस कुमारस्वामी हे मुख्यमंत्रिपदाची शपथ सोमवारी घेणार होते. मात्र,  सोमवारी माजी पंतप्रधान राजीव गांधी यांची पुण्यतिथी असल्याने ते मुख्यमंत्रिपदाची शपथ बुधवारी म्हणजेच दि. 23 रोजी घेणार असल्याचे कुमारस्वामी यांनी स्पष्ट केले आहे. कर्नाटकमध्ये रंगले राजकीय नाट्य तीन दिवस रंगलेल्या राजकीय नाट्यानंतर अखेर कर्नाटकमध्ये बहुमत सिद्ध करण्यात भाजपला अपयश आले आहे.
Monday, May 21, 2018 AT 08:37 PM (IST)
हंमागी अध्यक्षांच्या विरोधात काँग्रेस पुन्हा सुप्रीम कोर्टात 5बंगलोर/नवी दिल्ली, दि. 18 (वृत्तसंस्था) : कर्नाटकातील सत्ता संघर्ष टिपेला पोहोचला असताना भाजपला सरकार स्थापन करण्यास निमंत्रित करण्याच्या राज्यपालांच्या निर्णयावरून सर्वोच्च न्यायालयात आज जोरदार युक्तिवाद झाला. काँग्रेस आणि एच. डी. देवेगौडा यांच्या धर्मनिरपेक्ष जनता दलाने दाखल केलेल्या याचिकेवर निर्णय देताना सर्वोच्च न्यायालयाने येडीयुरप्यांना उद्या, दि. 19 रोजी दुपारी 4 वाजता विधानसभेत बहुमत सिद्ध करण्याचे आदेश दिले. दरम्यान, शनिवारी विधानसभेत होणार्‍या बहुमत चाचणीसाठी राज्यपालांनी भाजपचे आमदार के. जी. बोपय्या यांची हंगामी अध्यक्षपदी नियुक्ती केल्यावरून वादंग निर्माण झाले आहे. या नियुक्तीला आव्हान देत काँगे्रस व धजद यांनी शुक्रवारी रात्री पुन्हा सर्वोच्च न्यायालयात धाव घेऊन तातडीने सुनावणी करण्याची विनंती केली. त्यावर न्यायालयाने उद्या सकाळी 10.30 वाजता सुनावणी करण्याचे निश्‍चित केले आहे. या सर्व घडामोडी सुरू असतानाच येडीयुरप्पांनी मात्र आपण बहुमत चाचणी शंभर टक्के जिंकणार, अशी खात्री दिली आहे.
Saturday, May 19, 2018 AT 08:28 PM (IST)
काँग्रेस-धजद सर्वोच्च न्यायालयात जाणार 5बंगलोर, दि. 16 (वृत्तसंस्था) : कर्नाटक विधानसभा निवडणुकीत जनतेने त्रिशंकू कौल दिल्यामुळे निर्माण झालेला सत्ता स्थापनेचा पेच आता संपला असून राज्यपाल वजूभाई वाला यांनी भाजपचे मुख्यमंत्रिपदाचे उमेदवार बी. एस. येडीयुरप्पा यांना सरकार स्थापन करण्यासाठी निमंत्रण दिले आहे. बहुमत सिद्ध करण्यासाठी राज्यपालांनी येडीयुरप्पा यांना 15 दिवसांची मुदत दिली आहे. दरम्यान, काँग्रेस-धर्मनिरपेक्ष जनता दल आघाडीकडे आवश्यक बहुमत असूनही भाजपला निमंत्रित करण्याच्या राज्यपालांच्या निर्णयाला आघाडीने सर्वोच्च न्यायालयात आव्हान देण्याचा निर्णय घेतला आहे. या याचिकेवर तातडीने सुनावणी घेण्यासाठी खंडपीठ स्थापन करण्याची विनंती सरन्यायाधीश दीपक मिश्रा यांना करण्यात येणार असल्याचे वृत्त आहे. कर्नाटक विधानसभेच्या 224 पैकी 222 जागांसाठी 12 मे रोजी मतदान झाले होते. काल (दि. 15) जाहीर झालेल्या निकालात भाजपने 104, काँग्रेसने 78 व माजी पंतप्रधान एच. डी. देवेगौडा यांच्या धर्मनिरपेक्ष जनता दलाने (धजद) 37 तर त्यांचा सहयोगी पक्ष बसपने एका जागेवर विजय मिळवला. त्यामुळे त्रिशंकू स्थिती निर्माण झाली.
Thursday, May 17, 2018 AT 08:38 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: