Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 72
कामकाज दिवसभरासाठी स्थगित अहवाल सादर करण्याबाबत सरकारचे घूमजाव 5मुंबई, दि. 20 (प्रतिनिधी) : मराठा-धनगर-मुस्लीम-लिंगायत आरक्षण आणि दुष्काळाच्या प्रश्‍नावरून मंगळवारी विधानसभेत प्रचंड गदारोळ झाला. मराठा आरक्षणाबाबतचा अहवाल विधिमंडळात सादर केला जाईल, अशी घोषणा करणार्‍या सरकारने कायदेशीर अडचण येणार नसेल तरच अहवाल मांडला जाईल, असे घूमजाव केले. महसूल मंत्री चंद्रकांत पाटील यांनी याबाबत वक्तव्य केल्याने विरोधक आक्रमक झाले. आरक्षण व दुष्काळग्रस्त शेतकर्‍यांना मदत जाहीर करण्याबाबत ठोस उत्तर न मिळाल्याने विरोधकांनी अध्यक्षांच्या आसनाजवळ धाव घेऊन जोरदार घोषणाबाजी करत राजदंड ताब्यात घेतल्याने तब्बल चार वेळा सभागृहाचे कामकाज तहकूब करावे लागले. त्यानंतरही गोंधळ सुरूच राहिल्याने दिवसभराचे कामकाज तहकूब करण्यात आले. मंगळवारी विधानसभेचे कामकाज सुरू होताच राधाकृष्ण विखे-पाटील यांनी मराठा आरक्षणाचा अहवाल सभागृहात मांडण्याची आणि दुष्काळाच्या मुद्द्यावर स्थगन प्रस्ताव मांडण्याची परवानगी मागितली. अध्यक्षांनी अनुमती नाकारल्याने विरोधकांनी सदस्य अध्यक्षांसमोरील मोकळ्या जागेत येऊन घोषणा देण्यास सुरुवात केली.
Wednesday, November 21, 2018 AT 08:54 PM (IST)
दुष्काळी भागांसाठी अडीच हजार कोटी 5मुंबई, दि. 19 (प्रतिनिधी) : सत्तेत आल्यापासून चार वर्षांत एक लाख 67 हजार कोटी रुपयांच्या पुरवणी मागण्या सादर करण्याचा विक्रम करणार्‍या अर्थमंत्री सुधीर मुनगंटीवार यांनी आज अधिवेशनाच्या पहिल्याच दिवशी 20 हजार 326 कोटी रुपयांच्या पुरवणी मागण्या विधिमंडळात सादर केल्या. पुरवणी मागण्यांमध्ये दुष्काळ निवारणासाठी अडीच हजार कोटी रुपयांची तरतूद करण्यात आली आहे. राज्य विधिमंडळाचे हिवाळी अधिवेशन आज सुरू झाले. अधिवेशनाच्या पहिल्याच दिवशी अर्थमंत्री सुधीर मुनगंटीवार यांनी विधानसभेत 20,326.45 कोटी रुपयांच्या पुरवण्या मागण्या सादर केल्या. गेल्या चार वर्षांतील 12 अधिवेशनांमध्ये तब्बल एक लाख 67 हजार कोटी रुपयांच्या पुरवणी मागण्या सादर करण्यात आल्या आहेत. फेब्रुवारी महिन्यात अर्थसंकल्प सादर केल्यानंतर चारच महिन्यानंतर जुलैमध्ये नागपूर येथे झालेल्या पावसाळी अधिवेशनात अर्थमंत्र्यांनी 11 हजार 445 कोटी 83 लाख 15 हजार रुपयांच्या पुरवणी मागण्या सादर केल्या होत्या. राज्यावर दुष्काळाचे सावट असून 151 तालुक्यांत पूर्णतः आणि 29 तालुक्यात अंशतः दुष्काळ जाहीर करण्यात आला आहे.
Tuesday, November 20, 2018 AT 08:44 PM (IST)
प हिवाळी अधिवेशनाच्या पूर्वसंध्येला विरोधकांचा हल्लाबोल प चहापानावर बहिष्कार 5मुंबई, दि. 18 (प्रतिनिधी) : राज्य विधिमंडळाचे हिवाळी अधिवेशन सोमवारी सुरू होत असून अधिवेशनाच्या पूर्वसंध्येला विरोधकांनी सरकारवर जोरदार हल्लाबोल करताना मुख्यमंत्री देवेंद्र फडणवीस आणि शिवसेना पक्षप्रमुख उद्धव ठाकरे यांना ठग्ज ऑफ महाराष्ट्रची उपाधी बहाल केली. गेल्या चार वर्षात सरकारने शेतकर्‍यांपासून सर्वसामान्यांपर्यंत सर्वांशी केवळ ठगबाजी केली असल्याची टीका करताना दुष्काळग्रस्त शेतकर्‍यांना पिकांसाठी सरसकट 50 हजार व फळबागांसाठी 1 लाख रुपये भरपाई दिल्याशिवाय अधिवेशनाचे कामकाज चालू देणार नाही, असा इशारा विरोधी पक्षनेते राधाकृष्ण विखे-पाटील आणि धनंजय मुंडे यांनी दिला आहे. राज्य विधिमंडळाचे हिवाळी अधिवेशन उद्या सुरू होत असून सरकारविरोधातील रणनीती निश्‍चित करण्यासाठी विरोधी पक्षांच्या गटनेत्यांची बैठक आज विरोधी पक्षनेते राधाकृष्ण विखे-पाटील यांच्या शासकीय निवासस्थानी झाली.
Monday, November 19, 2018 AT 08:41 PM (IST)
केंद्रीय गुप्तचर यंत्रणेकडून ‘हाय अलर्ट’ 5चंदीगड, दि. 15 (वृत्तसंस्था) : पंजाबमध्ये ‘जैश-ए-मोहम्मद’चे चार अतिरेकी घुसले असून त्यांनी एक इनोव्हा कार पळवल्याने खळबळ उडाली आहे. पाकिस्तानमधून आलेल्या या चार अतिरेक्यांनी कार पळवल्याची खबर मिळताच दहशतवादी हल्ला होण्याच्या शक्यतेने केंद्रीय गुप्तचर यंत्रणांनी पंजाब, दिल्ली आणि जम्मू-काश्मीरमध्ये अतिसतर्कतेचा इशारा जारी केला आहे. 2016 मध्ये झालेल्या पठाणकोट हल्ल्यासारखा हल्ला हे अतिरेकी करण्याची शक्यता वर्तवली जात आहे. चार अतिरेक्यांनी जम्मू-काश्मीरमधून पंजाबमध्ये पठाणकोटला जाण्यासाठी चंदेरी रंगाची इनोव्हा कार भाड्याने घेतली. माधोपूर परिसरात येताच बंदुकीचा धाक दाखवून कारचालकाला बाहेर फेकण्यात आले. त्यानंतर कार घेऊन चारही अतिरेकी फरार झाले. या घटनेनंतर कारचालकाने तत्काळ पोलीस ठाण्यात जाऊन तक्रार नोंदवली. या घटनेनंतर पंजाब, जम्मू-काश्मीर आणि दिल्लीत ‘हाय अलर्ट’ जारी करण्यात आला आहे. पंजाब आणि जम्मू-काश्मीर पोलिसांनी माधोपूर परिसरात अतिरेक्यांच्या शोधार्थ संयुक्त मोहीम राबवली असून इतर सुरक्षा यंत्रणांनाही ‘हाय अलर्ट’  जारी करण्यात आला आहे.
Friday, November 16, 2018 AT 09:23 PM (IST)
सदाभाऊ खोत यांचा राजू शेट्टींना टोला 5मुंबई, दि. 13 (प्रतिनिधी) : पश्‍चिम महाराष्ट्रात स्वाभिमानी शेतकरी संघटनेने उसाच्या दरासाठी पुकारलेले आंदोलन म्हणजे कारखानदारांबरोबर मिळून ठरवलेला फार्स होता, अशी टीका करतानाच, ते ज्या शाळेत आहेत, त्या शाळेचा मी ‘हेडमास्तर’ होतो त्यामुळे प्रमाणपत्रे कशी निघतात, ते मला चांगलेच ठाऊक आहे, असा टोला पणन राज्यमंत्री व रयत क्रांती संघटनेचे नेते सदाभाऊ खोत यांनी आज खा. राजू शेट्टी यांना लगावला. मंत्रालयात पत्रकार परिषदेत बोलताना राज्यमंत्री सदाभाऊ खोत यांनी राजू शेट्टी यांचे नाव घेता त्यांच्यावर अप्रत्यक्षपणे निशाणा साधला. काही दिवसांपूर्वीच खा. राजू शेट्टी यांनी पश्‍चिम महाराष्ट्रात काही ठिकाणी ऊस उत्पादकांना एकरकमी एफआरपी आणि 200 रुपयांचा जादा भाव मिळावा यासाठी आंदोलन केले. साखर कारखान्यांना कायद्यानुसार एफआरपी देणे बंधनकारक आहे. कारखान्यांनी एफआरपीची रक्कम दिली नाही तर त्यांच्यावर कारवाई केली जाते. केंद्र सरकारने रिकव्हरीच्या 10 टक्क्यांच्या आधाराला 2750 रुपये भाव देण्याचे जाहीर केले आहे. त्यामुळे शेतकर्‍यांना आपो-आपच 200 रुपये जास्त मिळणार आहेत.
Wednesday, November 14, 2018 AT 08:39 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: