Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 68
व्यक्तिश: हजर न राहण्याची सुप्रीम कोर्टाकडून मुभा 5नवी दिल्ली, दि. 23 (वृत्तसंस्था) : ‘राफेल’ प्रकरणी सर्वोच्च न्यायालयात दाखल असलेल्या पुनर्विचार याचिकेसंदर्भात न्यायालयाने दिलेल्या आदेशानंतर ‘चौकीदार चोर आहे’, हे सर्वोच्च न्यायालयानेही मान्य केले आहे. या वक्तव्यामुळे काँग्रेस अध्यक्ष राहुल गांधी यांच्या अडचणीत वाढ झाली आहे. या प्रकरणी भाजप नेत्या मीनाक्षी लेखी यांनी दाखल केलेल्या अवमान याचिकेवर सर्वोच्च न्यायालयाने राहुल गांधींना नोटीस बजावली आहे. राहुल गांधींनी आपल्या आदेशाचा चुकीच्या पद्धतीने संबंध जोडला आहे, असे न्यायालयाने म्हटले आहे.   ‘राफेल’ खरेदी करारात भ्रष्टाचार झाल्याचा आरोप करणार्‍या याचिकेवर सुनावणी करताना सर्वोच्च न्यायालयाने गेल्या वर्षी डिसेंबरमध्ये केंद्र सरकारला ‘क्लीन चिट’ दिली होती. मात्र, त्यानंतर संरक्षण मंत्रालयातील काही कागदपत्रे फुटली होती. त्या कागदपत्रांच्या आधारे एका वृत्तपत्रात सरकार विरोधात बातम्या प्रसिद्ध झाल्या होत्या.
Wednesday, April 24, 2019 AT 08:52 PM (IST)
5नवी दिल्ली, दि. 18 (वृत्तसंस्था) : लोकसभा निवडणुकी प्रचारात राजकीय आरोप-प्रत्यारोपांमुळे वातावरण तापलेले असतानाच भाजपचे प्रवक्ते जीव्हीएल नरसिंह राव यांच्यावर आज भाजपच्या दिल्लीतील मुख्यालयात सुरू असलेल्या पत्रकार परिषदेत बूट फेकण्यात आला. बूट फेकणार्‍या व्यक्तीला भाजप कार्यकर्त्यांनी पकडून तेथून बाहेर नेले. मात्र, या घटनेमुळे आधी घडलेल्या अशा प्रसंगांची चर्चाही रंगली आहे. मालेगाव बॉम्बस्फोट प्रकरणी सध्या जामिनावर असलेल्या हिंदुत्ववादी नेत्या साध्वी प्रज्ञा यांचा भाजप प्रवेश आणि त्यांना भोपाळमधून देण्यात आलेल्या उमेदवारी संदर्भात नरसिंह राव हे आज पत्रकार परिषदेत माहिती देत होते. त्यावेळी हा प्रकार घडला. बूट फेकणार्‍याचे नाव शक्ती भार्गव असून तो व्यवसायाने डॉक्टर असल्याचे समजते. त्याला कार्यकर्त्यांनी लगेचच बाहेर नेले. अचानक घडलेल्या या घटनेने नरसिंह राव हेदेखील चकित झाले. मात्र, या प्रकारावर कोणतीही प्रतिक्रिया न देता राव यांनी पत्रकार परिषद सुरुच ठेवली. दरम्यान, भाजपने या घटनेचा निषेध केला असला तरी अधिकृत तक्रार दाखल केलेली नाही.
Friday, April 19, 2019 AT 08:32 PM (IST)
32 ठार पंतप्रधानांकडून मदत घोषित 5नवी दिल्ली, दि. 17 (वृत्तसंस्था) : मध्य प्रदेश, गुजरात, महाराष्ट्र आणि राजस्थान या राज्यांना गेल्या 48 तासांत वादळी वारे, अवकाळी पाऊस आणि गारपिटीचा तडाखा बसला. यामध्ये मध्य प्रदेशात 16, गुजरातमध्ये सहा आणि राजस्थानमध्ये दहा जणांचा मृत्यू झाला. महाराष्ट्रातील नाशिक जिल्ह्यात वीज पडून तीन जणांचा मृत्यू झाला. या नैसर्गिक आपत्तीत जीव गमावणार्‍यांबद्दल शोक व्यक्त करताना पंतप्रधान नरेंद्र मोदींनी मृतांच्या वारसांना प्रत्येकी दोन लाख रुपयांची तातडीची मदत जाहीर केली आहे. गेल्या 48 तासांमध्ये मध्य प्रदेश, गुजरात, महाराष्ट्र आणि राजस्थान या राज्यांमध्ये अनेक ठिकाणी वादळी वार्‍यासह मुसळधार पावसाने  हजेरी लावली. काही ठिकाणी गारपीटही झाली. राजस्थानमधील प्रतापगढ आणि झालावाड या भागांना अवकाळीचा सर्वाधिक फटका बसला. राजस्थानमध्ये दहा जणांचा मृत्यू झाला तर 20 जण जखमी झाले आहेत. गुजरातमधील अहमदाबाद, राजकोट, बनासकांठा, पाटण, मेहसाणा, साबरकांठा, आणंद, खेडा येथेही अवकाळी पावसाने हजेरी लावली. त्यामुळे शेतकर्‍यांचे लाखो रुपयांचे नुकसान झाले आहे. या आपत्तीत सहा जणांना जीव गमवावा लागला.
Thursday, April 18, 2019 AT 08:49 PM (IST)
5नवी दिल्ली, दि. 16 (वृत्तसंस्था) : देशात सध्या लोकसभा निवडणुकीची रणधुमाळी सुरू आहे. राजकीय पक्षांमध्ये विविध मुद्द्यांवरून आरोप-प्रत्यारोपांच्या फैरी झडत असताना भारतीयांना बेरोजगारी आणि राजकीय भ्रष्टाचारापेक्षा दहशतवादाची अधिक चिंता असल्याचे एका जागतिक सर्वेक्षणातून समोर आले आहे. जम्मू-काश्मीरमधील पुलवामा येथे झालेल्या दहशतवादी हल्ल्यात सीआरपीएफचे 40 जवान शहीद झाले. तेव्हापासून भारतीयांना देशातील दहशतवादी कारवायांची चिंता आहे. ‘द इप्सॉस’ या संस्थेने केलेल्या सर्वेक्षणानुसार, पन्नास टक्के भारतीयांना बेरोजगारी, आर्थिक आणि राजकीय भ्रष्टाचारापेक्षा दहशतवादाची जास्त चिंता वाटते. त्या खालोखाल 44 टक्के लोकांना बेरोजगारीची आणि 42 टक्के लोकांना राजकीय भ्रष्टाचाराची चिंता वाटते. गुन्हे आणि हिंसाचाराबद्दल 33 टक्के भारतीय चिंताग्रस्त आहेत तर 29 टक्के भारतीयांना गरिबी आणि सामाजिक असमानतेचा मुद्दा भेडसावत आहे. 24 टक्के लोकांना आरोग्याची चिंता आहे. जगाला कशाची चिंता भेडसावते, या संदर्भात करण्यात आलेल्या जागतिक सर्वेक्षणातून ही माहिती समोर आली आहे.
Wednesday, April 17, 2019 AT 09:00 PM (IST)
5नवी दिल्ली, दि. 15 (वृत्तसंस्था) : धर्माच्या नावावर मते मागणे, मतांसाठी धमकावणे आणि महिला उमेदवाराबात अश्‍लाघ्य वक्तव्य करणे, या कारणांवरून उत्तर प्रदेशचे मुख्यमंत्री योगी आदित्यनाथ, बसपच्या सर्वेसर्वा मायावती, केंद्रीय मंत्री मनेका गांधी आणि समाजवादी पक्षाचे नेते आझम खान यांच्यावर निवडणूक आयोगाने प्रचारबंदी लागू केली आहे. योगी आणि आझम खान यांच्यावर तीन दिवसांची तर मायावती व मनेका गांधी यांच्यावर दोन दिवसांची बंदी घालण्यात आली आहे. सर्वोच्च न्यायालयाने फटकारल्यानंतर आदर्श आचारसंहितेच्या उल्लंघन प्रकरणी निवडणूक आयोगाने हे पाऊल उचलले आहे. बसप प्रमुख मायावती आणि उत्तर प्रदेशचे मुख्यमंत्री योगी आदित्यनाथ यांना जातीय आणि धार्मिक    आधारावर मते मागण्याचा प्रकार भोवला आहे. निवडणूक आयोगाने मायवती यांना दोन दिवस तर योगींना तीन दिवस निवडणूक प्रचार करण्यास बंदी घातली आहे. या काळात हे दोन्ही नेते कोणताही रोड शो करू शकणार नाहीत. त्यांना प्रचार सभाही घेता येणार नाहीत अथवा सोशल मीडियासह कोणत्याही प्रकारच्या माध्यमांमधून मुलाखती, विधाने, टीकाटिप्पणी करता येणार नाही.
Tuesday, April 16, 2019 AT 08:54 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: