Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 76
5नवी दिल्ली, दि. 10 (वृत्तसंस्था) : भारताचे नंदनवन अशी ओळख असलेल्या जम्मू-काश्मीरमध्ये गेल्या दोन महिन्यांपासून असलेली पर्यटकबंदी अखेर उठवण्यात आली आहे. गृह विभागाने 2 ऑगस्ट 2019 रोजी पर्यटकांसाठी काढलेला मनाई आदेश मागे घेण्यात आला असून पर्यटक आता जम्मू-काश्मीरमध्ये पर्यटनासाठी येऊ शकतात. त्यांना आवश्यक ते सर्व सहकार्य व मदत राज्य सरकारकडून मिळेल, असे आदेशात नमूद करण्यात आले आहे. दरम्यान, राज्यपाल सत्यपाल मलिक यांनी 8 ऑगस्ट रोजी काश्मीरमधील सुरक्षेचा आढावा घेतला होता. याच बैठकीत पर्यटकांसाठीचा प्रतिबंधात्मक आदेश मागे घेण्यात यावा, अशी सूचना राज्यपालांनी गृह विभागाला केली होती. त्यानुसारच हा आदेश काढण्यात आला आहे.              जम्मू-काश्मीरच्या गृह विभागाने बुधवारी एक आदेश काढून काश्मीर खोर्‍यात पर्यटकांसाठी घातलेले निर्बंध मागे घेतले आहेत. या आदेशाची प्रत राज्यपालांसह पुढील कार्यवाहीसाठी सर्व संबंधित विभागांना पाठवण्यात आली आहे. जम्मू-काश्मीरला विशेष राज्याचा दर्जा देणारे कलम 370 हटवण्याचा ऐतिहासिक निर्णय केंद्र सरकारने 5 ऑगस्ट रोजी घेतला.
Friday, October 11, 2019 AT 08:42 PM (IST)
5नवी दिल्ली, दि. 9 (वृत्तसंस्था) :  केंद्र सरकारी कर्मचार्‍यांना मोदी सरकारने दिवाळी भेट दिली आहे. केंद्रीय कर्मचार्‍यांच्या महागाई भत्त्यात 5 टक्क्यांची वाढ करण्याचा निर्णय सरकारने घेतला आहे. सरकारच्या या निर्णयाचा फायदा 50 लाख कर्मचारी व 65 लाख निवृत्ती वेतनधारकांना मिळणार आहे. पंतप्रधान नरेंद्र मोदी यांच्या नेतृत्वाखाली झालेल्या केंद्रीय मंत्रिमंडळाच्या बैठकीत हा निर्णय घेण्यात आला. केंद्रीय माहिती व प्रसारणमंत्री प्रकाश जावडेकर यांनी याबाबतची माहिती दिली. नव्या निर्णयामुळे केंद्रीय कर्मचार्‍यांचा भत्ता 12 टक्क्यांवरून 17 टक्के झाला आहे. वाढीव भत्ता जुलै 2019 पर्यंत कर्मचार्‍यांना मिळणार आहे. सातव्या वेतन आयोगाच्या शिफारसीनुसार ही वाढ करण्यात आली असून या निर्णयामुळे सरकारच्या तिजोरीवर 16 हजार कोटी रुपयांचा अतिरिक्त बोजा पडणार आहे. ‘पीओके’च्या विस्थापितांना मदत पाकव्याप्त काश्मीरमधून आलेल्या विस्थापितांना साडेपाच लाख रुपयांची आर्थिक मदत देण्याचा निर्णयही सरकारने घेतल्याचे जावडेकर यांनी सांगितले.
Thursday, October 10, 2019 AT 08:47 PM (IST)
5नवी दिल्ली, दि. 6 (वृत्तसंस्था) : भारतीय हवाईदलाचे प्रमुख आर. के. एस. भदौरिया यांनी भारतासाठी अभिमानास्पद कामगिरी बजावणारे विंग कमांडर अभिनंदन यांच्या 51 स्क्वाड्रनचा विशेष सन्मान करण्यात येणार आहे. 27 फेब्रुवारीला पाकिस्तानचे एफ-16 हे लढावू विमान पाडल्यानंतर 51 स्क्वाड्रनला प्रशस्तीपत्र देण्यात आले. कमांडिंग ऑफिसर ग्रुप कॅप्टन सतीश पवार हे 51 क्वाड्रनचा हा सन्मान स्वीकारणार आहेत. या व्यतिरिक्त बालाकोट एअरस्ट्राइक यशस्वीपणे राबवणार्‍या 9 क्वाड्रनचा देखील विशेष सन्मान करण्यात येणार आहे. याच क्वाड्रनच्या मिराज 2000 या लढावू विमानांनी ‘ऑपरेशन बंदर’ यशस्वी केले होते. 9 क्वाड्रनला देखील युनिट प्रशस्तीपत्र देण्यात आले होते. बालाकोट एअरस्ट्राइक आणि पाकिस्तानच्या हवाई हल्ल्यांना परतवून लावणारी क्वाड्रन लीडर मिंटी अग्रवालच्या 602 सिग्नल युनिटचा देखील सन्मान करण्यात येणार आहे. पुलवामा येथे 14 फेब्रुवारी रोजी मोठा दहशतवादी हल्ला करण्यात आला होता. या दहशतवादी हल्ल्यात सीआरपीएफचे 40 हून अधिक जवान शहीद झाले. याच भ्याड हल्ल्याला चोख प्रत्युत्तर देत भारताने बालाकोट हवाई हल्ला केला.
Monday, October 07, 2019 AT 08:47 PM (IST)
5लंडन, दि. 2 (वृत्तसंस्था) : हैदराबादच्या निजामाच्या 3 अब्जांपेक्षा अधिक रकमेच्या मालकी हक्कावरून भारत आणि पाकिस्तान दरम्यान सुरू असलेली कायदेशीर लढाई अखेर संपली आहे. ब्रिटनच्या उच्च न्यायालयाने या प्रकरणी भारताच्या बाजूने निकाल दिल्याने निजामाचा हा खजिना भारताच्या हवाली केला जाणार आहे. गेल्या 70 वर्षांपासून ब्रिटनच्या उच्च न्यायालयात हा खटला सुरू होता. हैदराबादच्या निजामाच्या या संपत्तीवर भारत आणि निजामांच्या उत्तराधिकार्‍यांचाच अधिकार असल्याचे न्यायालयाने स्पष्ट केले आहे. निजामाचे वंशज प्रिन्स मुकर्रम जाह आणि त्यांचे लहान बंधू मुफ्फखम जाह या खटल्यावेळी भारताच्या बाजूने होते. भारताच्या फाळणीवेळी हैदराबादचे सातवे निजाम मीर उस्मान अली खान यांनी लंडनच्या नेटवेस्ट बँकेत 1,007, 940 पाऊंड म्हणजे सुमारे 8 कोटी 87 लाख रुपये जमा केले होते. आता ही रक्कम वाढून 3 अब्ज 8 कोटी 40 लाख रुपये एवढी झाली आहे. एवढ्या मोठ्या खजिन्यावर भारत आणि पाकिस्तानने दावा केला होता. लंडनच्या रॉयल कोर्ट ऑफ जस्टिसचे जज मार्कस स्मिथ यांनी यावर निर्णय दिला आहे. हैदराबादचे 7 वे निजाम उस्मान अली खान यांच्या मालकीची ही संपत्ती होती.
Thursday, October 03, 2019 AT 08:42 PM (IST)
भाजपचे 125 उमेदवार जाहीर पहिल्या यादीत खडसे, तावडेंना स्थान नाही 5नवी दिल्ली, दि. 1 (वृत्तसंस्था) : आगामी विधानसभा निवडणुकीसाठी भाजपने आज आपल्या 125 उमेदवारांची पहिली यादी जाहीर केली. भाजपचे महाराष्ट्र प्रदेशाध्यक्ष चंद्रकांत पाटील यांना कोथरुड विधानसभा मतदारसंघातून उमेदवारी देण्यात आली आहे तर दक्षिण कराडमधून अतुल भोसले यांना माजी मुख्यमंत्री पृथ्वीराज चव्हाण यांच्या विरोधात उतरवण्यात आले आहे. विशेष म्हणजे तब्बल 12 विद्यमान आमदारांचा पत्ता कापण्यात आला आहे. भाजप-शिवसेना युतीची बोलणी रखडल्याने भाजपने अद्याप उमेदवार यादी जाहीर केली नव्हती. मात्र, सोमवारी रात्री महायुतीवर शिक्कामोर्तब करण्यात आले. त्यानंतर भाजपने आज उमेदवारांच्या नावांची घोषणा केली. पहिल्या यादीत 52 विद्यमान आमदारांचा समावेश आहे. मुख्यमंत्री देवेंद्र फडणवीस हे दक्षिण-पश्‍चिम नागपूर मतदारसंघातूनच लढणार आहेत तर गिरीश बापट खासदार झाल्यामुळे रिक्त झालेल्या कसबा विधानसभा मतदारसंघात पुण्याच्या महापौर मुक्ता टिळक यांना उमेदवारी देण्यात आली आहे.
Wednesday, October 02, 2019 AT 08:37 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: