Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 54
5नवी दिल्ली, दि. 10 (वृत्तसंस्था) : देशाचे राष्ट्रपती, उपराष्ट्रपती आणि पंतप्रधानांसाठी असलेल्या विमानांमध्ये आता अत्याधुनिक ‘मिसाइल डिफेन्स सिस्टिम’ असणार आहे. या विमानांचे उड्डाण एअर इंडियाचे वैमानिक नव्हे तर हवाई दलाचे वैमानिक करतील. एअर इंडियाकडून हवाई दलाच्या वैमानिकांना बोईंग 777 विमानांच्या उड्डाणाचे प्रशिक्षण दिले जात आहे. पंतप्रधान नरेंद्र मोदींसह देशातील दिग्गज नेते जुलै 2020 पासून बोईंग 777 या विमानातून प्रवास करतील. देशाच्या पंतप्रधानांसाठी पहिल्यांदाच अत्याधुनिक क्षेपणास्त्र सज्ज विमाने असतील. या विमानांचे उड्डाण हवाई दलाचे वैमानिक करणार आहेत. एअर इंडियाकडून हवाई दलाच्या वैमानिकांना प्रशिक्षण दिले जात आहे. जुलै 2020 पासून पंतप्रधान नरेंद्र मोदींसह राष्ट्रपती आणि उपराष्ट्रपती या विमानातून प्रवास करणार आहेत. अमेरिकी प्लांटमध्ये या विमानांची निर्मिती होत आहे. अमेरिकी बी 777 विमानात लार्ज एअरक्राफ्ट इन्फ्रारेड काऊंटर मेजर्स (एलएआयआरसीएम) आणि सेल्फ प्रोटेक्शन सुट्स (एसपीएस) असणार आहेत. ही विमाने जुलै 2020 मध्ये भारतात आणली जाणार आहेत.
Friday, October 11, 2019 AT 08:44 PM (IST)
5नवी दिल्ली, दि. 6 (वृत्तसंस्था) : महाराष्ट्र आणि हरियाणा विधानसभा निवडणुकीत राहुल गांधी प्रचार करणार नाहीत. राहुल गांधी सध्या परदेशात आहेत. वायनाड या मतदारसंघापुरतेच ते स्वत:ला मर्यादित ठेवणार असल्याची माहिती सूत्रांनी दिली. काँग्रेस पक्षातील काही वरिष्ठ नेत्यांवर राहुल गांधी नाराज असल्याची माहिती सूत्रांनी दिली आहे. लोकससभा निवडणुकीत झालेल्या पक्षाच्या पराभवाची नैतिक जबाबदारी स्वीकारून राहुल गांधी यांनी काँग्रेस अध्यक्षपदाचा राजीनामा दिला होता. मात्र दुसरीकडे राहुल गांधी महाराष्ट्रात सुरू असलेल्या नाराजी नाट्यावरून नाराज असल्याचे देखील समजते. राहुल गांधी पक्षाचे अध्यक्ष असताना पक्षातील काही वरिष्ठ नेत्यांनी त्यांना सहकार्य केले नसल्याचे बोलले जात आहे. त्यासोबतच जे निर्णय राहुल गांधी यांना घ्यायचे होते ते देखील घेऊ दिले जात नव्हते. राज्यात एकीकडे शरद पवार निवडणूक प्रचाराला लागलेले असताना काँग्रेसच्या गोटात मात्र शांतता पाहायला मिळत आहे.  निवडणूक प्रचारासाठी काँग्रेसचे माजी अध्यक्ष राहुल गांधीच मैदानात उतरणार असल्याची माहिती होती.
Monday, October 07, 2019 AT 08:49 PM (IST)
5नवी दिल्ली, दि. 1 (वृत्तसंस्था) : ऐन विधानसभा निवडणुकीच्या तोंडावर राज्यभरात प्रचाराचा धडाका लावलेले मुख्यमंत्री देवेंद्र फडणवीस यांना सर्वोच्च न्यायालयाने मोठा धक्का दिला आहे. गेल्या विधानसभा निवडणुकीच्या प्रतिज्ञापत्रात दोन फौजदारी गुन्ह्यांची माहिती लपवल्याबाबतचा खटला चालवण्याचे आदेश सर्वोच्च न्यायालयाने आज दिले. मुंबई उच्च न्यायालयाने मुख्यमंत्र्यांविरोधातील या तक्रारीबाबत दिलासा दिला होता. अ‍ॅड. सतीश उके यांनी मुख्यमंत्र्यांविरोधात सर्वोच्च न्यायालयात याबाबत याचिका दाखल केली होती. यावरील सुनावणीदरम्यान सर्वोच्च न्यायालयाने खटला चालवण्याचे निर्देश दिले. सर्वोच्च न्यायालयाने या प्रकरणी आपला निकाल 23 जुलैला राखून ठेवला होता. 2014 मध्ये फडणवीस यांनी विधानसभा निवडणुकीच्या प्रतिज्ञापत्रात दोन गुन्ह्यांची माहिती लपविल्याचे उके यांनी दाखल केलेल्या याचिकेत म्हटले आहे. हे दोन्ही गुन्हे नागपूरमधील असून त्यातील एक गुन्हा मानहानीचा आणि दुसरा गुन्हा फसवणुकीचा असल्याचे म्हटले आहे. फडणवीस यांनी दोन्ही गुन्हे लपवून खोटे प्रतिज्ञापत्र सादर केल्याचा दावाही उके यांनी केला होता.
Wednesday, October 02, 2019 AT 08:43 PM (IST)
5नवी दिल्ली, दि. 29 (वृत्तसंस्था) : गृहमंत्री अमित शहा यांनी आता काश्मीरचा योग्य इतिहास लिहिण्याची व खरी माहिती जनतेसमोर मांडण्याची वेळ आली आहे, असे म्हटले आहे. दिल्ली येथील कार्यक्रमप्रसंगी शहा बोलत होते. यावेळी त्यांनी राष्ट्रीय सुरक्षेच्या मुद्द्यावर विचार मांडले. शहा म्हणाले, स्वातंत्र्य मिळाले तेव्हा 630 राजवटींना एकत्र करण्यास एवढी अडचण आली नाही, मात्र जम्मू-काश्मीरला एक करण्यास 5 ऑगस्ट 2019 पर्यंत वाट पाहावी लागली. जेव्हा एखादा देश स्वतंत्र होतो तेव्हा त्याच्यासमोर सर्वात अगोदर सुरक्षेचा प्रश्‍न, घटना बनवण्याचा प्रश्‍न व असे अनेक प्रकारचे प्रश्‍न असतात. मात्र आमच्यासमोर 630 राजवटींना एकत्र करण्याच प्रश्‍न निर्माण झाला. या सर्व राजवटींना एकत्र आणून अखंड भारताची निर्मिती करणे, आमच्यासमोरील मोठे आव्हान होते. मात्र देशाचे पहिले गृहमंत्री लोहपुरूष सरदार वल्लभभाई पटेल यांच्या दृढतेमुळे आज 630 राजवटी एका देशाच्या रुपात जगासमोर आपले अस्तित्व टिकवून आहेत. शहा म्हणाले, काश्मीरचा इतिहास मोडूनतोडून देशासमोर मांडला गेला. कारण ज्यांच्या चुका होत्या, त्यांच्याच वाट्याला इतिहास लिहिण्याची जबाबदारी आली होती.
Monday, September 30, 2019 AT 08:43 PM (IST)
5नवी दिल्ली, दि. 25 (वृत्तसंस्था) :  पॅन आणि आधार क्रमांक 30 सप्टेंबरपर्यंत लिंक केला नाही तर 1 ऑक्टोबरपासून तुमचे पॅनकार्ड इन-ऑपरेटिव्ह म्हणजेच निष्क्रिय होईल. यापूर्वी पॅन क्रमांक मुदत दिलेल्या तारखेपर्यंत आधार क्रमांकाशी लिंक केले नाही तर ते इनव्हॅलिड (अमान्य) मानले जाईल, असा नियम होता. पॅनकार्ड इनव्हॅलिड (अमान्य) म्हणजेच तुमच्याकडे पॅनकार्ड नाही, असे मानले जाते तर इन-ऑपरेटिव्ह  म्हणजेच जोपर्यंत तुम्ही पॅनकार्ड आधारशी लिंक करत नाहीत, तोपर्यंत ते वापरता येणार नाही. मात्र, सरकारने इन-ऑपरेटिव्ह, म्हणजे नक्की काय कार्यवाही होईल, याबाबत अधिकृत माहिती दिलेली नाही. पॅनकार्ड दिलेल्या मुदतीत आधारशी लिंक केले नाही तर ते अमान्य असेल. जुलै 2019 मध्ये सादर केलेल्या अर्थसंकल्पात पॅन-आधार लिंक करण्याच्या नियमात बदल करण्यात आले होते. केंद्रीय प्रत्यक्ष कर मंडळाने 31 मार्च 2019 रोजी पॅन आधार क्रमांकाशी लिंक करण्यासाठी 30 सप्टेंबरपर्यंतची मुदत दिली होती. पॅन-आधार लिंक करण्यासंबंधीचा नियम 1 सप्टेंबरपासून लागू होणार आहे. पॅन-आधार क्रमांक दिलेल्या मुदतीत लिंक केला नाही तर पॅन कार्ड इन-ऑपरेटिव्ह मानले जाईल.
Thursday, September 26, 2019 AT 08:35 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: