Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 28
9 नोव्हेंबरला मतदान, 18 डिसेंबरला मतमोजणी 5नवी दिल्ली, दि. 12 (वृत्तसंस्था) : केंद्रीय निवडणूक आयोगाने हिमाचल प्रदेश विधानसभा निवडणुकीचा कार्यक्रम गुरुवारी जाहीर केला. त्यानुसार हिमाचल प्रदेशातील 68 जागांसाठी 9 नोव्हेंबरला मतदान  तर 18 डिसेंबर रोजी मतमोजणी होणार. राज्यात आजपासूनच आदर्श आचारसंहिता लागू करण्यात आली आहे. हिमाचल प्रदेश विधानसभेची सदस्यसंख्या 68 असून विद्यमान विधानसभेची मुदत 7 जानेवारी रोजी संपत आहे. त्याचबरोबर गुजरात विधानसभा निवडणूकही 18 डिसेंबरपूर्वी होईल, असे निवडणूक आयोगाने सांगितले. गुजरातमधील 182 जागांसाठी मतदान घेण्यात येणार असल्याचे मुख्य निवडणूक आयुक्त अचलकुमार ज्योती, निवडणूक आयुक्त ओमप्रकाश रावत आणि सुनील अरोरा यांनी सांगितले. मात्र, गुजरातच्या निवडणुकीची तारीख त्यांनी जाहीर केली नाही. या कार्यक्रमामुळे आम्हाला हिमाचल प्रदेश आणि गुजरातमध्ये एकाच वेळी मतमोजणी घेता येईल, असे अचलकुमार ज्योती म्हणाले. गुजरात विधानसभेची मुदत 22 जानेवारी रोजी संपत आहे. या दोन्ही राज्यांच्या निवडणुकांना अतिशय महत्त्व आले आहे.
Friday, October 13, 2017 AT 08:51 PM (IST)
काश्मीरमध्ये दोन दहशतवाद्यांचा खात्मा 5श्रीनगर, दि. 11 (वृत्तसंस्था) :जम्मू-काश्मीरच्या बंदीपोरा येथील हाजिन भागात दहशतवाद्यांबरोबर बुधवारीसकाळी झालेल्या चकमकीत हवाई दलाच्या ‘गरूड’ पथकाचे दोन जवान शहीद झाले. त्यामध्ये महाराष्ट्राचे सुपुत्र मिलिंद खैरनार यांचा समावेश आहे. दोन दहशतवाद्यांना ठार करण्यात सुरक्षा दलांना यश आले. हे दहशतवादी ‘लष्कर-ए-तोयबा’ या संघटनेचे होते, अशी माहिती सूत्रांनी दिली. या चकमकीत लष्कराचे दोन जवान जखमी झाले आहेत. बंदीपोरा येथील हाजिन भागातील परिबाल या गावात ‘तोयबा’चे दहशतवादी लपल्याची माहिती सुरक्षा दलांना मिळाली होती. त्यानुसार लष्कर आणि जम्मू-काश्मीर पोलिसांनी या भागात शोधमोहीम राबवली. या शोधमोहिमेत हवाई दलाच्या ‘गरूड’ स्न्वॉडचे जवानही सहभागी झाले होते. शोधमोहिमेचा अनुभव आणि प्रशिक्षण मिळावे यासाठी लष्कराच्या तुकडीबरोबर हवाई दलाच्या ’गरूड’ पथकातील जवानांना सहभागी करून घेण्यात आले होते, अशी माहिती संरक्षण मंत्रालयाचे प्रवक्ते कर्नल राजेश कालिया यांनी दिली. सुरक्षा दलांची शोधमोहीम सुरू असताना दहशतवाद्यांनी त्यांच्यावर गोळीबार केला.
Thursday, October 12, 2017 AT 08:52 PM (IST)
केंद्र सरकारचे राज्य सरकारांना आवाहन 5नवी दिल्ली, दि. 4 (वृत्तसंस्था) :देशात पेट्रोल व डिझेलच्या वाढत्या दरांमुळे होरपळलेल्या सर्वसामान्यांना दिलासा देण्यासाठी केंद्र सरकारने अबकारी करात दोन रुपयांनी कपात केल्यानंतर आता राज्य सरकारांनीही पेट्रोल व डिझेलवरील मूल्यवर्धित करात (व्हॅट) पाच टक्के कपात करावी, असे आवाहन केंद्रीय पेट्रोलियम मंत्री धर्मेंद्र प्रधान यांनी केले आहे. पेट्रोल आणि डिझेलच्या वाढत्या दरांमुळे जनतेमध्ये संतापाची भावना असल्याने केंद्र सरकारने अबकारी शुल्कात 2 रुपयांची कपात करण्याचा निर्णय मंगळवारी घेतला होता. पेट्रोल व डिझेलवरील ‘व्हॅट’मुळे राज्यांना मोठ्या प्रमाणात महसूल मिळता. ‘व्हॅट’ लावण्याचा अधिकार राज्य सरकारांचा असून त्यामध्ये कपात करण्याचा आदेश केंद्र सरकार देऊ शकत नाही. त्यामुळे पेट्रोल व डिझेलवरील ‘व्हॅट’मध्ये राज्यांनी पाच टक्के कपात करावी, असे आवाहन केंद्रीय पेट्रोलियम मंत्री धर्मेंद्र प्रधान यांनी केले आहे. सर्वसामान्यांच्या हितासाठी केंद्र सरकारने पेट्रोल व डिझेलवरील अबकारी करात कपात केली आहे. आम्ही आमचे काम केले आहे.
Thursday, October 05, 2017 AT 09:00 PM (IST)
पेट्रोलियम मंत्री धर्मेंद्र प्रधान यांची माहिती 5नवी दिल्ली, दि. 27 (वृत्तसंस्था) : देशात सध्या पेट्रोल आणि डिझेलचे दर वाढले असले तरी लवकरच पेट्रोलियम पदार्थ घरपोच मिळणार आहेत. त्यामुळे पेट्रोल व डिझेलसाठी यापुढे पेट्रोलपंपावर जाण्याची आवश्यकता राहणार नाही. पेट्रोलियम पदार्थ ई-कॉमर्स संकेतस्थळांवर लवकरच उपलब्ध होतील. एक क्लिकवर ते घरपोच मिळतील, असे प्रधान यांनी सांगितले. यासाठी आवश्यक असलेल्या परवानग्या मिळाल्या आहेत. सुरुवातीला जेव्हा मी या संकल्पनेबद्दल बोललो, तेव्हा त्याबद्दल अनेकांनी शंका व्यक्त केली होती. मात्र, आता ही संकल्पना सत्यात उतरणार आहे, असे प्रधान यांनी सांगितले. दिल्लीत झालेल्या ‘इंडिया मोबाईल काँग्रेस’मध्ये ते बोलत होते. पेट्रोलियम पदार्थ ई-कॉमर्स संकेतस्थळांवर उपलब्ध करून देण्याची संकल्पना प्रधान यांनी आधी संसदेच्या सल्लागार समिती सदस्यांसमोर मांडली होती. नोटाबंदीनंतर डिजिटल व्यवहारांना चालना देण्यासाठी आणि पेट्रोल पंपांवरील रांगा टाळण्यासाठी ही संकल्पना पेट्रोलियम मंत्रालयाने मांडली होती. आता याबाबतचे ट्विट प्रधान यांनी केले आहे.
Thursday, September 28, 2017 AT 09:28 PM (IST)
काँग्रेस उपाध्यक्ष राहुल गांधींचे वक्तव्य 5न्यूयॉर्क, दि.22 (वृत्तसंस्था) : भारताच्या स्वातंत्र्य चळवळीतील प्रमुख नेते अनिवासी भारतीय होते. या अनिवासी भारतीय चळवळीतूनच काँग्रेसची स्थापना झाली, असे वक्तव्य काँग्रेसचे उपाध्यक्ष राहुल गांधी यांनी अमेरिकेत केले. काँग्रेसची मूळ चळवळ ही अनिवासी भारतीयांनी (एनआरआय) उभी केलेली चळवळ होती. महात्मा गांधी हे अनिवासी भारतीय होते, पंडित जवाहरलाल नेहरू इंग्लंडहून परतले होते. मौलाना आझाद, डॉ. बाबासाहेब आंबेडकर आणि सरदार वल्लभभाई पटेल हे स्वातंत्र्य चळवळीतील प्रमुख नेतेही अनिवासी भारतीय होते, असे वक्तव्य राहुल गांधींनी केले. न्यूयॉर्कमधील ‘टाइम्स स्न्वेअर’ येथे अनिवासी भारतीयांशी संवाद साधताना त्यांनी ही भूमिका मांडली. यावेळी काँग्रेस समर्थक दोन हजार अनिवासी भारतीय उपस्थित होते. देशाचा पाया रचणार्‍या नेत्यांविषयी आपला अपारंपरिक दृष्टिकोन स्पष्ट करताना ते म्हणाले, त्यातील प्रत्येक नेता बाहेरच्या जगात गेला होता, त्यांनी बाहेरचे जग पाहिले आणि भारतात परत येऊन त्यांनी आपल्या कल्पनांचा उपयोग करून देशात रूपांतर घडवलेे.
Saturday, September 23, 2017 AT 09:14 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: