Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 32
5नवी दिल्ली, दि. 16 (वृत्तसंस्था) : पंजाब नॅशनल बँक घोटाळ्यातील प्रमुख आरोपी नीरव मोदी आणि मेहुल चोक्सी यांच्या मुसक्या आवळण्याचे प्रयत्न केंद्र सरकारने सुरू केले आहेत. ईडीच्या विनंतीवरून परराष्ट्र मंत्रालयाने दोघांचेही पासपोर्ट रद्द केले आहेत. नीरव दीपक मोदी आणि मेहुल चिनूभाई चोक्सी यांचे पासपोर्ट तत्काळ निलंबित करण्यात आले आहेत. पुढील चार आठवड्यांच्या कालावधीसाठी हे पासपोर्ट वैध नसतील. अंमलबजावणी संचलनालयाच्या विनंतीनंतर ही कारवाई केल्याची माहिती केंद्रीय गृहमंत्री राजनाथ सिंह यांनी दिली. नीरव मोदी आणि मेहुल चोक्सी यांनी आपले पासपोर्ट का जप्त केले जाऊ नयेत, याचं उत्तर एक आठवड्याच्या आत देण्याचे आदेश दिले आहेत. या कालावधीत त्यांनी उत्तर न दिल्यास परराष्ट्र मंत्रालय आपला निर्णय कायम राखत पासपोर्ट रद्द करेल.    नीरव मोदी परदेशात नीरव मोदी बेल्जियममध्ये पळून गेल्याची माहिती आहे. नीरव मोदी हा भारतातील मोठा हिरे व्यापारी आहे. त्याला भारतातील ’डायमंड किंग’ असंही संबोधलं जातं. नीरव मोदीने ’नीरव मोदी डायमंड ब्रँड’ या नावाने भारतासह जगभरात ज्वेलरी शोरूम सुरू केली आहेत.
Saturday, February 17, 2018 AT 08:35 PM (IST)
5नवी दिल्ली, दि. 13 (वृत्तसंस्था) : देशातील शेतकर्‍यांचे उत्पन्न दुप्पट करण्याच्या अनुषंगाने सरकारने पावले टाकण्यास सुरुवात केली आहे. येत्या 19 आणि 20 फेब्रुवारी रोजी राजधानी दिल्ली येथे  पंतप्रधान नरेंद्र मोदी देशभरातील 250 तज्ज्ञांसोबत चर्चा करणार आहेत. शेतकर्‍यांचे उत्पन्न दुप्पट करण्याची घोषणा करून मोदी सरकारला दोन वर्षे पूर्ण झाली आहेत. अनेकदा या घोषणेवर प्रश्‍नचिन्ह उपस्थित केले जाते. त्यामुळेच आता रिझल्ट दाखवण्याच्या उद्देशाने उशिरा का होईना पण सरकारकडून पावले टाकण्यास सुरुवात झाल्याचे दिसते आहे. त्यासाठी येत्या 19 व 20 फेब्रुवारीला दिल्ली येथे या विषयावर देशभरातल्या 250 तज्ज्ञांसोबत पंतप्रधान महामंथन करणार आहेत. दिल्ली येथील पुसा इन्स्टिट्यूटमध्ये यावर शेतीशी संबंधित तज्ज्ञांची मते ऐकून घेणार आहेत, अशी माहिती राज्य कृषी मूल्य आयोगाचे अध्यक्ष पाशा पटेल यांनी दिली. या कार्यक्रमासाठी एकूण सात टीमची  रचना करण्यात आली आहे. यात शेतीच्या उत्पादन ते विक्री या साखळीतल्या विविध विषयांवर फोकस ठेवून या टीम बनवल्या गेल्या आहेत.
Wednesday, February 14, 2018 AT 08:33 PM (IST)
5नवी दिल्ली, दि. 12 (वृत्तसंस्था) : शोपियनमध्ये झालेली दगडफेक रोखण्यासाठी लष्कराने गोळीबार केल्यानंतर पोलिसांनी मेजर आदित्य कुमार यांच्याविरोधात गुन्हा दाखल केला. मात्र, मेजर कुमार यांच्यावरील कारवाईस सर्वोच्च न्यायालयाने स्थगिती दिली आहे. त्यामुळे यापुढे कुमार यांना चौकशीसाठी बोलवता येणार नाही. मेजर कुमार यांचे वडील लेफ्टनंट कर्नल करमवीर सिंह यांनी दाखल केलेल्या याचिकेवरील सुनावणीदरम्यान सर्वोच्च न्यायालयाने हे आदेश दिले आहेत. करमवीर सिंह यांनी याबाबत दाखल झालेली एफआयआर रद्द करण्यात यावी, अशी मागणी केली. काही दिवसांपूर्वी शोपियनच्या गानोव्हपोरा गावात दगडफेकीची घटना घडली होती. या गावात दगडफेक करणार्‍या हिंसक जमावावर लष्कराला गोळीबार करावा  लागला होता. या गोळीबारात तीन जणांचा मृत्यू झाला होता. कमरवीर सिंह यांनी दाखल केलेल्या याचिकेवर सर्वोच्च न्यायालयात सुनावणी झाली. त्यानंतर न्यायालयाने मेजर कुमार यांच्यावरील कारवाईस स्थगिती दिली आहे. त्यामुळे यापुढे कुमार यांना चौकशीसाठी बोलवता येणार नाही आणि त्यांना अटकही करता येणार नाही.
Tuesday, February 13, 2018 AT 08:36 PM (IST)
5नवी दिल्ली, दि. 29 (वृत्तसंस्था) : मुंबईत नुकत्याच झालेल्या राष्ट्रीय कार्यकारिणीच्या बैठकीत आगामी लोकसभा निवडणूक स्वबळावर लढण्याची घोषणा करणार्‍या शिवसेनेच्या प्रतिनिधींनी आज अर्थसंकल्पीय अधिवेशनाच्या पार्श्‍वभूमीवर दिल्लीत झालेल्या रालोआच्या बैठकीत सहभाग नोंदवला. या बैठकीत पंतप्रधान नरेंद्र मोदी यांच्या सन्मानार्थ संमत करण्यात आलेल्या प्रस्तावाचेही शिवसेनेने समर्थन केले. या बैठकीत आगामी लोकसभा आणि विधानसभेच्या निवडणुका सोबत घेण्यावर जोर देत याबाबतचा प्रस्ताव संसदेत मंजूर व्हावा, अशी आशा पंतप्रधानांनी व्यक्त केली. त्यामुळे भाजप आणि शिवसेनेमध्ये निर्माण झालेली कटुता कमी झाल्याची चर्चा सुरू झाली आहे. रालोआच्या बैठकीत खा. आनंदराव अडसूळ हे शिवसेनेचे प्रतिनिधी म्हणून उपस्थित होते. या बैठकीत पंतप्रधान मोदी यांचे अभिनंदन करणार प्रस्ताव सर्वसंमतीने मंजूर करण्यात आल्याची माहिती खुद्द अडसूळ यांनीच या बैठकीनंतर दिली. या प्रस्तावात दावोसचा यशस्वी दौरा आणि प्रजासत्ताकदिनी ‘आसिआन’ देशांच्या प्रमुखांना दिलेले आमंत्रण आणि त्यांच्यासोबत झालेल्या बैठकीच्या यशस्वीतेचे श्रेय मोदींना देण्यात आले.
Tuesday, January 30, 2018 AT 08:38 PM (IST)
मेहबुबा मुफ्ती यांचे भारत-पाकला आवाहन 5श्रीनगर, दि. 21 (वृत्तसंस्था) : जम्मू-काश्मीर सीमेवर एक प्रकारे रक्ताची होळी खेळली जात आहे. मात्र, जम्मू-काश्मीरला युद्धाचा आखाडा बनवू नका तर मैत्रीचा पूल बनवा, असे कळकळीचे आवाहन मुख्यमंत्री मेहबुबा मुफ्ती यांनी भारत आणि पाकिस्तानला केले. बारामुल्ला जिल्ह्यातील शिरी येथे पोलीस कॉन्स्टेबल पासिंग आऊट परेडला संबोधित करताना त्या बोलत होत्या. आमच्या सीमांवर रक्ताची होळी खेळली जात आहे. ईश्‍वर ते न घडू देवो. आमचे पंतप्रधान नरेंद्र मोदी सातत्याने विकासाबद्दल बोलतात पण त्याच वेळी आमच्या राज्यात वेगळेच सुरू आहे. आमच्या शाळा बंद होताहेत आणि मुले घरांमध्ये अडकत आहेत. दोन्ही बाजूंनी होणार्‍या गोळीबारामुळे फक्त जम्मू-काश्मीरमधील नागरिक ठार होत आहेत. मी आपल्या पंतप्रधानांना आणि पाकिस्तानच्या पंतप्रधानांना आव्हान करते की, जम्मू-काश्मीरला युद्धाचा आखाडा बनवू नका तर भारत-पाकिस्तानमधील मैत्रीचा सेतू बनवा. आमचे दुर्दैव हे आहे की, जम्मू-काश्मीर हे राज्य भारत आणि पाकिस्तान या दोन देशांमधील संघर्षाचा आखाडा बनला आहे.
Monday, January 22, 2018 AT 09:09 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: