Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 27
5नवी दिल्ली, दि. 29 (वृत्तसंस्था) : नवी दिल्लीत मोदी आणि शहांच्या उपस्थितीत भाजपच्या केंद्रीय निवडणूक समितीची बैठक रात्री साडेदहाच्या सुमारास संपली. बैठकीत भाजपच्या उमेदवारांची नावे निश्‍चित झाल्याची माहिती आहे. तसेच भाजपच्या उमेदवारांची पहिली यादी सोमवारी जाहीर होण्याची शक्यता आहे. दोन दिवसात युतीची घोषणा होईल, असे म्हणणारे उद्धव ठाकरे यांनी सांगितलेले युतीचे अनेक मुहूर्त टळले आहेत. मात्र युतीची घोषणा काही झाली नाही.  आता शिवसेनेने जवळपास 14 उमेदवारांना एबी फॉर्म वाटले आहेत तर भाजपची यादी जाहीर होताच तासाभरात उमेदवरांना एबी फॉर्म वाटले जाणार आहेत. भाजपने विभाग निहाय संघटन मंत्र्यांकडे एबी फॉर्म सुपूर्द केल्याची माहिती देखील सूत्रांनी दिली आहे. युतीच्या घोषणेपूर्वी शिवसेनेने संभाव्य यादी जाहीर करत एबी फॉर्म वाटल्यानंतर आता कुठल्याही क्षणी भाजपची पहिली यादी जाहीर होणार आहे. राज्यातील 6 विभागात 6 संघटन मंत्र्यांना एबी फॉर्म घेऊन जाण्याच्या सूचना पक्षाकडून देण्यात आल्या आहेत.
Monday, September 30, 2019 AT 08:45 PM (IST)
5न्यूयॉर्क, दि. 24 (वृत्तसंस्था) : पंतप्रधान नरेंद्र मोदी यांच्यानंतर पाकिस्तानचे पंतप्रधान इम्रान खान यांनी अमेरिकेचे राष्ट्राध्यक्ष डोनाल्ड ट्रम्प यांची भेट घेतली. या भेटीत इम्रान खान यांनी पुन्हा काश्मीरचा मुद्दा पुढे केला. मात्र डोनाल्ड ट्रम्प यांच्यासमोर इम्रान खान यांना पुन्हा एकदा अपयश आहे. भारताची तयारी असेल तरच काश्मीर प्रश्‍नावर अमेरिका मध्यस्थी करण्यास तयार आहे, असे डोनाल्ड ट्रम्प यांनी स्पष्ट केले. जम्मू-काश्मीरचा मुद्दा गुंतागुंतीचा आहे. गेल्या अनेक वर्षांपासून हा वाद सुरू आहे. दोन्ही देशांची सहमती असेल तर अमेरिका मध्यस्थी करण्यास तयार असल्याचे ट्रम्प यांनी इम्रान खान यांना सांगितले. मात्र काश्मीर भारत आणि पाकिस्तान यांच्यामधील द्विपक्षीय मुद्दा आहे. दोन्ही देश मिळून हा प्रश्‍न सोडवतील. शिमला आणि लाहोर कराराप्रमाणे द्विपक्षीय चर्चेने काश्मीर प्रश्‍न सोडवला जाऊ शकतो. त्यामुळे इतर कुणीही यामध्ये हस्तक्षेप करण्यास भारताचा विरोध आहे. केवळ इम्रान खान तयार असून चालणार नाही. भारतही त्यासाठी तयार असणे आवश्यक आहे. आम्हाला आशा आहे, की दोन्ही देश एकमेकांशी चर्चा करून जम्मू-काश्मीरचा प्रश्‍न सोडवतील.
Wednesday, September 25, 2019 AT 08:39 PM (IST)
  5नवी दिल्ली, दि. 19 (वृत्तसंस्था) : चांद्रयान-2 मोहिमेत पाठीशी उभे राहिल्याबद्दल देशवासीयांचे आभार मानल्यानंतर इस्रोने आज ऑर्बिटरच्या प्रकृतीची माहिती दिली. ऑर्बिटरच्या पेलोडवर करण्यात आलेले प्रारंभिक प्रयोग यशस्वी ठरले आहेत. सर्व पेलोडसची कामगिरी समाधानकारक आहे असे इस्रोने ट्विटमध्ये म्हटले आहे. चांद्रयान-2 चा ऑर्बिटर ठरल्याप्रमाणे सर्व वैज्ञानिक चाचण्या करत आहे. ऑर्बिटरमध्ये आठ अत्याधुनिक पेलोड आहेत. ज्यावरुन चंद्राचा नकाशा तयार करण्यात येईल तसेच चंद्रावर पाणी, बर्फ, खनिजांचा शोध घेतला जाईल. विक्रम लँडरबरोबर संपर्क का तुटला? ते शोधून काढण्यासाठी इस्रोच्या तज्ञांची समिती त्यावर काम करत असल्याची माहिती ट्विटमधून देण्यात आली आहे. ऑर्बिटरला चंद्राच्या आणखी जवळ नेणार ? चांद्रयान-2 मोहिमेतील लँडरशी संपर्क तुटला असला तरी चंद्राच्या कक्षेत फिरत असलेला ऑर्बिटर निर्णायक ठरेल असा विश्‍वास काही दिवसांपूर्वी इस्रोचे प्रमुख सिवान यांनी व्यक्त केला होता. ऑर्बिटरचे वाढलेले आयुष्य चांद्रयान-2 मोहिमेच्या पथ्यावर पडणारे असल्याचे इस्रोकडून सांगण्यात आले आहे. आधी ऑर्बिटरचे आयुष्य एक वर्ष  असणार होते.
Friday, September 20, 2019 AT 08:43 PM (IST)
बॉम्बवर्षाव पाहताच पाकिस्तान सैनिकांचे पलायन 5श्रीनगर, (वृत्तसंस्था) दि. 16 : जम्मू-काश्मीरमधून कलम 370 हद्दपार झाल्यावर पाकिस्तान सातत्याने स्वतःचे सैनिक आणि दहशतवाद्यांना भारतात घुसविण्याचा प्रयत्न करत आहे. 12-13 सप्टेंबर रोजी पाकच्या बॅटने (बॉर्डर ऍक्शन टीम) पीओकेतून काश्मीरमध्ये घुसण्याचा प्रयत्न केला असता प्रत्यक्ष नियंत्रण रेषेवर तैनात भारतीय सैनिकांनी त्यांच्यावर बॅरल ग्रेनेड लाँचरद्वारे बॉम्बवर्षाव करत ठार केले आहे. सैन्य विषयक यंत्रणेने या घटनेची एक चित्रफित प्रसारित केली आहे. यात दहशतवाद्यांवर बॉम्बवर्षाव केला जात असल्याचे दिसून येते. स्पेशल सर्व्हिस ग्रूपच्या दहशतवाद्यांचा खात्मा करण्यासाठी सैन्याने पीओकेच्या हाजीपीर सेक्टरमध्ये बॉम्ब डागले आहेत. भारतीय सैन्याने ऑगस्टमध्ये पाकिस्तानी सैनिक आणि दहशतवाद्यांच्या घुसखोरीचे 15 प्रयत्न हाणून पाडले आहेत. मागील महिन्यात बॅटच्या पथकाने केरन सेक्टरमध्ये नियंत्रण रेषा ओलांडण्याचा प्रयत्न केला होता. पण भारताच्या प्रत्युत्तराच्या कारवाईत 5-7 दहशतवादी मारले गेले होते. 4 पाकिस्तानी सैनिकांच्या मृतदेहांची छायाचित्रे प्रसारित करण्यात आली होती.
Friday, September 20, 2019 AT 08:33 PM (IST)
5स्ट्रासबर्ग (फ्रान्स), दि. 18 (वृत्तसंस्था) : काश्मीर संदर्भात अपप्रचार करून आंतरराष्ट्रीय मुद्दा बनवण्याच्या प्रयत्नात असलेल्या पाकिस्तानला युरोपीय महासंघाने खडेबोल सुनावले. युरोपीय महासंघातील अनेक सदस्यांनी पाकिस्तानवर सडकून टीका केली आहे. पाकिस्तानात दहशतवाद्यांना संरक्षण दिले जात असून ते शेजारील देशात हल्ले घडवून आणतात, असे सांगतानाच त्यांनी भारताला पाठिंबाही दिला. जम्मू-काश्मीरमधून कलम 370 हटवल्यानंतर पाकिस्तान अस्वस्थ झाला आहे. आंतरराष्ट्रीय व्यासपीठावर हा मुद्दा उपस्थित करून सहानुभूती मिळवण्याचा पाकिस्तानचा प्रयत्न आहे. मात्र, प्रत्येक ठिकाणी  पाकिस्तानच्या पदरी निराशा पडली. काश्मीरच्या मुद्द्यावर युरोपीय संघातही तब्बल 11 वर्षांनंतर चर्चा झाली. त्यात अनेक सदस्यांनी भारताला पाठिंबा दिला. यावेळी दहशतवादाच्या मुद्द्यावरून पाकिस्तानवर टीका केली. ‘भारतीय लोकशाही महान आहे. जम्मू-काश्मीरमधील दहशतवादी घटनांची आपण दखल घेतली पाहिजे. दहशतवादी हे चंद्रावरून येत नाहीत. ते शेजारी (पाकिस्तान) देशातून येतात.
Thursday, September 19, 2019 AT 08:29 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: