Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 45
5म्हसवड, दि 10 :  माण तालुक्यातील नरवणे येथे गणेशोत्सवानिमित्त भरविण्यात आलेल्या कबड्डी सामन्यासाठी आलेल्या मुंबईच्या खेळाडूचा विहिरीत बुडून मृत्यू झाला. अविनाश अनंत शिंदे (वय 17, रा. इंदिरानगर, साईनाथनगर रोड, घाटकोपर)  असे मृत खेळाडूचे नाव आहे. याबाबत घटनास्थळावरून मिळालेली माहिती अशी, नरवणे येथे गणेशोत्सवानिमित्त विविध स्पर्धा सुरू आहेत.  येथील कबड्डी स्पर्धेसाठी 65 किलो वजनी गटातील अनेक संघ आले होते. त्यामध्ये मुंबई घाटकोपर येथील संघही आला होता. आज सकाळी या संघातील चार ते पाच खेळाडू आंघोळीसाठी खटकाळी शिवारातील कॅनॉलवर गेले होते. कॅनॉलमध्ये आंघोळ केल्यानंतर चांगल्या पाण्यात आंघोळ करावी म्हणून शेजारीच असलेल्या लक्ष्मण काटकर यांच्या मालकीच्या विहिरीत हे खेळाडू  गेले. त्यातील अविनाश शिंदे हा विहिरीत उतरला.    पण त्याला पोहता येत नसल्याने तो बुडाला. उपस्थित खेळाडूंनाही पोहता येत नसल्याने त्याला वाचविता आले नाही. सदर घटनेची वार्ता नरवणे गावात  पसरताच घटनास्थळी गावकरी जमा झाले. पोलीस पाटील विजयसिंह काटकर यांनी सदर घटनेची माहिती दहिवडी पोलीस स्टेशनला दिली.
Wednesday, September 11, 2019 AT 08:40 PM (IST)
  अतुलबाबांचा पृथ्वीराज बाबांना धोबीपछाड, कराड दक्षिणमधील समीकरणे बदलणार 5कराड, दि. 9 : राज्याचे माजी मुख्यमंत्री आ. पृथ्वीराज चव्हाण यांचे कट्टर समर्थक राष्ट्रीय काँग्रेसचे विधानपरिषदेचे सदस्य आनंदराव पाटील उर्फ नाना यांचा भाजप प्रवेश निश्‍चित झाल्याची माहिती सूत्रांकडून समजते. भाजपचे डॉ. अतुल भोसले यांनी ही किमया साधून पृथ्वीराज चव्हाण यांना छोबीपछाड दिल्याचे मानले जाते. दि. 12 सप्टेंबरपर्यंत मुख्यमंत्र्यांच्या उपस्थितीत हा प्रवेश होण्याची शक्यता आहे. सोमवारी मुंबई येथे झालेल्या मुख्यमंत्री देवेंद्र फडणवीस, महसूलमंत्री चंद्रकांत पाटील, जलसंपदा मंत्री गिरीश महाजन, डॉ. अतुल भोसले, आ. आनंदराव पाटील व सुनील पाटील यांच्या बैठकीमध्ये या निर्णयावर शिक्कामोर्तब झाल्याचे समजते. या प्रवेशामुळे कराड दक्षिणमधील निवडणुकीची समीकरणे बदलणार असून आ. पृथ्वीराज चव्हाण यांना मोठा फटका बसणार आहे.    निष्ठेच्या बाबतीत आ. आनंदराव पाटील यांचे जिल्ह्यात व राज्यात उदाहरण दिले जात होते.
Tuesday, September 10, 2019 AT 08:46 PM (IST)
कोयना धरणात 103.30 पाणीसाठा 5पाटण, दि. 6 :  कोयना धरण पाणलोट क्षेत्रात पावसाचा जोर कमी झाल्याने कोयना धरणाचे 8 फुटांवर असणारे दरवाजे शुक्रवारी सकाळी 11 वाजता साडेचार फुटांवर ठेवण्यात आले आहेत. कोयना धरणाच्या  दरवाजातून विनावापर 39 हजार 414 व पायथा वीजगृहातून 2 हजार 100 असे एकूण 41 हजार 514 क्युसेक्स पाणी प्रतिसेकंद कोयना नदीपात्रात सोडण्यात येत आहे. शिवाजीसागर जलाशयात प्रतिसेकंद 61 हजार 576 क्युसेक्स पाण्याची आवक होत आहे.    कोयना धरणात सध्या  103.30 टीएमसी पाणीसाठा झाला असल्याची माहिती कोयना धरण व्यवस्थापन विभागाने दिली. शुक्रवारी सायंकाळी 5 पर्यंत कोयनानगर येथे 42 (6235), नवजा 44 (7170), महाबळेश्‍वर 33 (6301) मिलीमीटर पावसाची नोंद झाली आहे. धरणाच्या अतिपर्जन्यवृष्टी क्षेत्रात प्रतापगड 37 (5853), सोनाट 27 (5229), वळवण 46 (6946) मिलीमीटर पावसाची नोंद झाली आहे. कोयना धरणातील जलपातळी 2162 फूट 00 इंच, 658.978 मीटर व पाणीसाठा 103.30  टीएमसी एवढा झाला आहे.
Saturday, September 07, 2019 AT 08:39 PM (IST)
5लोेणंद, दि. 4 : सातारारोडवर  कोपर्डे, ता. खंडाळा गावच्या बसस्थानकाजवळ रात्री 12 ते 1 वाजण्याच्या  सुमारास  लोणंद पोलीस ठाण्यामध्ये नेमणुकीस असलेले पोलीस नाईक अतुल श्रीरंग गायकवाड (रा. लोणंद पोलीस वसाहत) यांचा  दुचाकीच्या अपघातात जागीच मृत्यू झाला.   लोणंद पोलीस ठाण्यामध्ये कार्यरत असलेले पो. ना. अतुल गायकवाड रात्री उशिरा लोणंद कडे येत असताना कोपर्डे गावचे हद्दीत बस स्टँड जवळ त्यांच्या दुचाकीला अपघात झाल्याने त्यांचा जागीच मृत्यू झाला. या मार्गावरील मोठ्या वाहनांची वाहतूक बंद असल्याने अपघाताची माहिती लवकर समजली नाही. त्यामुळे अपघातानंतर त्यांच्या डोक्याला व पायाला मोठी दुखापत होऊन, मोठ्या प्रमाणावर रक्तस्राव होऊन त्यांचा मृत्यू झाला. या अपघाताची माहिती एका वाहन चालकाने दिल्यानंतर त्वरित  सपोनि. संतोष चौधरी  यांनी पोलीस स्टाफसह घटनास्थळी धाव घेतली. मृतदेह पोस्टमार्टमसाठी लोणंद प्राथमिक आरोग्य केंद्रात आणण्यात आला. पोलीस अधीक्षक तेजस्वी सातपुते,  कोरेगाव उपविभागीय पोलीस अधिकारी सुहास गरूड यांनी घटनास्थळी भेट दिली. अतुल गायकवाड यांना दोन लहान मुली आहेत.
Thursday, September 05, 2019 AT 08:33 PM (IST)
5लोणंद, दि. 30 : येथील नगरपंचायतीसमोर  पुणे-सातारा रस्त्यावर स्टेशन चौक येथे कार चालकाने कारचा दरवाजा उघडल्याने मोटरसायकल दरवाजाला धडकून मालट्रकखाली गेल्याने मोटरसायकलस्वार अलंकार अशोक भिसे (वय 18 रा. अंदोरी, ता. खंडाळा) याचा जागीच मृत्यू झाला.  लोणंद पोलिसांनी ट्रकचालक व कारचालक यांच्यावर गुन्हा दाखल केला आहे. येथील लोणंद नगरपंचायतीसमोर पुणे- सातारा  रस्त्यावर स्टेशन चौकाजवळ रात्री 9.45 वाजण्याच्या सुमारास अलंकार अशोक भिसे हा मोटरसायकलवरून सातारा बाजूकडे निघाला असताना रस्त्याच्या डाव्या बाजूस थांबलेल्या लाल रंगाच्या कारमधील चालकाने अचानक कारचा उजव्या बाजूचा दरवाजा उघडल्याने त्या दरवाजाची धडक अलंकार भिसे याच्या मोटरसायकला बसली. त्यामुळे अलंकार भिसे रस्त्यावर पडला आणि त्याचवेळी सातारा बाजूकडे निघालेल्या मालट्रकच्या डाव्या बाजूच्या चाकाखाली सापडून  गंभीर जखमी झाला. पोलिसांच्या मदतीने व नागरिकांना त्याला एका अ‍ॅम्ब्युलन्समधून प्राथमिक आरोग्य केंद्र, लोणंद येथे उपचारासाठी दाखल केले असता डॉक्टरांनी त्याला मृत घोषित केले. याबाबत अलंकार शेलार (रा. ठोंबरेमळा, लोणंद, ता.
Saturday, August 31, 2019 AT 08:41 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: