Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 24
5आसू, दि. 16 : राष्ट्रवादी काँग्रेसचे ज्येष्ठ नेते व खा. शरद पवार यांचे विश्‍वासू आणि निकटवर्तीय, जिल्हा बँकेचे संचालक श्रीमंत यशवंतराव आप्पासाहेब निंबाळकर उर्फ श्रीमंत दादाराजे खर्डेकर यांचे वयाच्या 81 व्या वर्षी शुक्रवारी सकाळी 10.30 वाजता फलटण येथील निकोप हॉस्पिटलमध्ये उपचार सुरू असताना हृदयविकाराच्या धक्क्याने निधन झाले. श्रीमंत  दादाराजे खर्डेकर यांनी महाराष्ट्र राज्य पणन महासंघाचे संचालक म्हणून 1978 पासून काम पाहिले. त्या कालावधीत फलटण, बारामती, अकलूज, पंढरपूर, सोलापूर, अहमदनगर या भागातील कापसाच्या मोठ्या प्रमाणावरील उत्पादनाला रास्त दर मिळाला पाहिजे. शेतकर्‍याला आपला माल विक्रीस आणल्यानंतर कोणत्याही प्रकारचा त्रास होता कामा नये यासाठी त्यांनी पणन महासंघाद्वारे सतत प्रयत्न केले. फलटण येथील सहकारी व खाजगी जिनिंग प्रेसिंग फॅक्टरीप्रमाणेच शेतकर्‍यांच्या मालकीची सहकारी तत्त्वावरील जिनिंग प्रेसिंग फॅक्टरी गुणवरे व आसू येथे सुरू करण्यासाठी त्यांनी यशस्वी प्रयत्न केले.
Saturday, August 17, 2019 AT 08:56 PM (IST)
5वाई, दि. 8 ः  हरित लवादाने कृष्णा नदी पात्रातील बेडिंगसाठी सिमेंट काँक्रीट केल्याबद्दल पालिकेला 25 लाख रुपये नुकसानभरपाई जमा करण्याबाबत दिलेल्या आदेशाविरोधात सर्वोच्च न्यायालयात अपिल करण्याचा निर्णय आज नगरपालिकेच्या विशेष सभेत घेण्यात आला. पालिकेची विशेष सभा नगराध्यक्षा डॉ. सौ. प्रतिभा शिंदे यांच्या अध्यक्षतेखाली झाली. यावेळी उपनगराध्यक्ष अनिल सावंत, मुख्याधिकारी सौ. विद्या पोळ उपस्थित होते. सभा सुरू होण्यापूर्वीच उपाध्यक्ष सावंत यांनी महागणपती मंदिरालगतच्या नदीपात्राच्या दक्षिण बाजूस बेडिंगसाठी सिमेंट काँक्रीट केलेल्या कामाबाबत राष्ट्रीय हरित लवादाने पालिकेस 25 लाख रुपये नुकसानभरपाई देण्याचा आदेश दिल्याचा उल्लेख केला.    ज्या व्यक्तीने न्यायालयात केस दाखल केली आहे तो वाईकर नागरिक आहे. त्याने एका संस्थेला पुढे करून वाई नगरपरिषदेवर केस दाखल केली. ही माहिती नगराध्यक्ष व प्रशासन प्रमुखांना होती. या केससाठी पालिकेच्यावतीने त्यांनी अ‍ॅड. गदेगावकर यांची नियुक्ती केली होती.
Friday, August 09, 2019 AT 08:40 PM (IST)
निसरे-नावडी पूल पाण्याखाली 5मल्हारपेठ, दि. 6 ः दहा वर्षातला हा मोठा मुसळधार पाऊस, गारठा भरणारा वारा व पावसाने हाहाकार माजवला आहे.  वेगाने वाढणार्‍या कोयनेच्या महापुराच्या पाण्याने निसरे-नावडी पूल पाण्याखाली गेला आहे. नवारस्ता, निसरे, नावडी, मंद्रुळहवेली, जमदाडवाडी या गावात पाणी शिरले आहे. नावडी हनुमान मंदिरात पाणी घुसले आहे. नावडी, वेताळवाडी रस्त्यावर पाणी आले आहे. पहाटेपासून निसरे-मारुल हवेली मार्ग बंद झाला आहे. एस. टी. सेवा, दूध वाहतूक सेवा बंद पडली आहे. प्रशासनाची कुमक कुचकामी ठरली आहे. आरोग्य सेवा, पोलीस, महसूल, ग्रामपंचायत प्रशासन यंत्रणा गायब झाले आहे. रस्त्यांची चाळण झाली तर घरे पडझडीच्या प्रमाणात वाढ झाली आहे. गेल्या 10 दिवसात कोयना पाणलोट क्षेत्रात पावसाचा जोर वाढल्याने नदी पात्रात पाणीपातळी झपाट्याने वाढत आहे. निसरे नवीन पूल बुडला आहे. अजूनही मोठ्या पावसाची शक्यता वाढली आहे. कोयना धरणाकडे लक्ष लागले आहे. कोयना नदीकडेच्या पाणलोट क्षेत्रात पावसाचा जोर वाढत आहे. नदीपात्रातील पाणीपातळी वाढली आहे.
Wednesday, August 07, 2019 AT 08:32 PM (IST)
मांडूळ तस्करीतून 21 लाखांची फसवणूक 5कराड, दि.4: मांडूळ तस्करीच्या व्यवहारातून सुमारे 21 लाख रुपयांची फसवणूक केल्याप्रकरणी घाटकोपर पूर्व, मुंबई येथील व्यापार्‍याचा दि.18 जुनला लाकडी दांडक्याने मारहाण करून खून पुरावा नष्ट करण्यासाठी संबंधिताचा मृतदेह कुंभार्ली घाटात टाकण्यात आला होता. याप्रकरणी कराड, मलकापूर परिसरातील पाच जणांवर कराड शहर पोलीस ठाण्यात गुन्हा दाखल करण्यात आला आहे. उदयभान रामप्रसाद पाल (वय 47), रा. अशोकनगर, घाटकोपर पूर्व, मुंबई असे खून झालेल्या व्यापार्‍याचे नाव आहे. आलोरे शिरगाव पोलिस ठाण्याचे सहाय्यक पोलीस निरिक्षक बडेसाब इलाई नाईकवाडे यांच्या फिर्यादीवरुन या खुनप्रकरणी प्रदीप शंकर सुर्वे (वय 47 वर्षे), रा. मलकापूर, ता. कराड, अक्षय दीपक अवघडे (वय 23 वर्षे), सुरेश बाळू सोनवणे (वय 31 वर्षे), दोघेही रा. आगाशिवनगर झोपडपट्टी, मलकापूर ता. कराड, विनोद पोपट शिद्रुक (वय 30 वर्षे), लक्ष्मीनगर मलकापूर, ता.कराड व कलीम शब्बीर अहमद कुरेशी (वय 34 वर्षे), रा. मुंबई यांच्यावर कराड शहर पोलीस ठाण्यात गुन्हा नोंद करण्यात आला आहे.
Monday, August 05, 2019 AT 08:35 PM (IST)
5पाटण, दि. 2: पाटण तालुक्यात सुरू असलेल्या जोरदार अतिवृष्टीमुळे मणदुरे विभागातील कड्याखालची बोर्गेवाडी गावानजीक असलेला गावठाणालगतचा दहा एकरातील डोंगर बुधवारी पहाटेच्या सुमारास खचून तो खालच्या बाजूला असणार्‍या मेंढोशी गावाच्या दिशेने सरकला आहे. त्यामुळे बोर्गेवाडीसह मेंढोशी गावाला धोका निर्माण झाला आहे. येथे माळीणसारखी पुनरावृत्ती होण्याची दाट शक्यता निर्माण झाली आहे. त्यामुळे दोन्ही गावातील लोकांमध्ये घबराटीचे वातावरण निर्माण झाले आहे. दरम्यान या घटनेला तीन दिवस झाले तरी अद्याप प्रशासनाचा कोणताच अधिकारी घटनास्थळी फिरकला नाही. त्यामुळे संतापलेल्या गावकर्‍यांनी शुक्रवारी पाटण तहसील कार्यालय गाठले. मात्र तेथे प्रांत आणि तहसीलदार नसल्याने नायब तहसीलदार यांना मागण्यांचे निवेदन सादर केले. शासनाने आमच्याकडे लक्ष दिले नाही तर आम्ही आमच्या बायका, मुला, बाळांसह आणि जनावरांसह तहसील कार्यालाच्यापुढे ठिय्या मारू असा इशाराही निवेदनात दिला आहे. याबाबत अधिक माहिती अशी, गेल्या आठ ते दहा दिवसांपासून पाटण तालुक्यात संततधार मुसळधार पाऊस कोसळत आहे. त्यामुळे जनजीवन विस्कळीत झाले आहे.
Saturday, August 03, 2019 AT 08:59 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: