Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 9
5पाटण, दि. 16 : कोयना धरण पाणलोट क्षेत्रात पावसाचा जोर मंदावल्याने धरणात येणार्‍या पाण्याची आवक मोठ्या प्रमाणावर घटली आहे. कोयना नदीपात्रात सध्या पायथा विद्युत गृहातून 2 हजार 100  प्रतिसेकंद क्युसेक्स पाणी सोडण्यात येत आहे. तर धरणात प्रतिसेकंद सुमारे 12 हजार 38 क्युसेक्स पाण्याची आवक होत आहे. शुक्रवारी दुपारी 3.30 वाजता कोयना धरणाचे 4 फुटावर असणारे दरवाजे  बंद करण्यात आले असल्याची माहिती कोयना धरण व्यवस्थापन विभागाने दिली. शुक्रवार दि. 16 रोजी सकाळी 8 ते सायंकाळी 5 पर्यंत कोयनानगर येथे 16 (5626), नवजा 8 (6191) व महाबळेश्‍वर येथे 10 (5607) मिलीमीटर पावसाची नोंद झाली आहे. सध्या धरणातील उपलब्ध पाणीसाठा 98.99 टीएमसी आहे. तर पाण्याची उंची 2158 फूट 8 इंच इतकी असून 657.962 मीटर आहे.
Saturday, August 17, 2019 AT 08:57 PM (IST)
5बिजवडी, दि. 8 : माण-खटाव तालुक्याचे युवा नेते शेखर गोरे यांनी राष्ट्रवादीला सोडचिठ्ठी दिल्यानंतर अनेक दिवस ते महायुतीतील भाजप, शिवसेना पक्षाच्या संपर्कात होते. मात्र माण विधानसभा मतदारसंघाची जागा कोणत्या पक्षाला सुटणार हे नक्की नसल्याने त्यांनी आजपर्यंत कोणतीही भूमिका जाहीर केली नव्हती. आज मातोश्रीवर शिवसेनेचे पक्ष प्रमुख उध्दव ठाकरे यांच्या हस्ते शिवबंधन बांधून त्यांनी शिवसेनेत जाहीर प्रवेश केला.   यावेळी शिवसेना उपनेते नितीन बानुगडे-पाटील, दगडूदादा सपकाळ, जिल्हाध्यक्ष चंद्रकांत जाधव, उपजिल्हा प्रमुख संजय भोसले, महाराष्ट्र रंग कामगार सेना अध्यक्ष धनाजी सावंत, शंकर वीरकर, तालुकाध्यक्ष बाळासाहेब मुलाणी व शिवसेनेचे पदाधिकारी उपस्थित होते.
Friday, August 09, 2019 AT 08:42 PM (IST)
5वाई, दि. 4 : तालुक्याच्या पश्‍चिम भागात मुसळधार पाऊस सुरू असून धोम आणि बलकवडी ही दोन्ही धरणे पूर्ण क्षमतेने भरली आहेत. दोन दिवसांपासून बलकवडी धरणातून 4216 क्युसेक्स पाण्याचा विसर्ग सुरू आहे. तर धोम धरणातून आज सायंकाळी पाच वाजता 10 हजार तर सायंकाळी 7 वाजता 15 हजार क्युसेक्स पाणी सोडल्याने कृष्णा नदीला महापूर आला. तीरावरील अनेक छोट्या मंदिराना पाण्याचा वेढा पडला असून प्रसिद्ध महागणपती मंदिरात पाणी शिरले. यावेळी दक्षतेचा उपाय म्हणून महागणपती पूल वाहतुकीसाठी बंद करण्यात आला होता. संपूर्ण तालुक्यासह पश्‍चिम भागात गेल्या काही दिवसांपासून पावसाची संततधार सुरू आहे. गेल्या चोवीस तासात बलकवडी धरण परिसरात 198 मि.मी.पावसाची नोंद झाली असून एकूण 2553 मि.मी. पाऊस झाला आहे. धोम धरण परिसरात 57.40 मि.मी. तर आज 12 पर्यंत 10 मि.मी. पावसाची नोंद झाली. एकूण 890 मि.मी. पाऊस झाला आहे. धरणातील पाणी पातळी 745.92 मीटर असून पाणी साठा 339.70 क्युसेक्स आहे. धरण 88 टक्के भरले आहे. धरणात 11 हजार 800 क्युसेक्स पाण्याची आवक होत आहे.
Monday, August 05, 2019 AT 08:58 PM (IST)
कोयनेत 80 टीएमसी पाणीसाठा 5पाटण, दि. 1 : कोयना धरण पाणलोट क्षेत्रात पावसाने कहर केला आहे. गुरुवारी दिवसभर घोंगवणारा वारा आणि जोरदार पावसाची संततधार यामुळे जनजीवन पूर्णपणे विस्कळीत झाले आहे. अतिवृष्टीमुळे धरणाच्या पाणीसाठ्यातही 39 हजार 113 क्युसेस पाण्याची आवक होत आहे. धरणातील पाणीसाठा 80 टीएमसी झाला आहे. वाढती आवक लक्षात घेता निर्धारित जलपातळी राखण्यासाठी गुरुवार, दि. 1 रोजी सकाळी 9 वाजता 18 मेगावॅट क्षमतेची दोन जनित्रं कार्यान्वित करून पायथा वीज गृहातून 2 हजार 100 क्युसेस पाण्याचा विसर्ग कोयना नदी पात्रात करण्यात येत आहे. त्यामुळे कोयना नदीला पूर आला असून प्रशासनाकडून नदी काठावरील गावांना सतर्कतेचा इशारा देण्यात आला आहे.   दरम्यान, पावसाचे असेच वाढते प्रमाणराहिले तर लवकरच धरणाच्या 6 वक्र दरवाज्यातून पाण्याचा विसर्ग  करण्याची शक्यता आहे. दि. 26 ते 31 जुलै या पाच दिवसांमध्ये शिवाजीसागर जलाशयात तब्बल 21.31 टीएमसी पाणीसाठ्याची आवक झाली आहे. बुधवार, दि. 31 रोजी सायंकाळी 5 ते गुरुवार, दि.
Friday, August 02, 2019 AT 08:55 PM (IST)
विज्ञान, कला आणि वाणिज्य शाखेच्या जागा वाढवल्या 5मुंबई, दि. 18 (प्रतिनिधी) : अकरावीच्या ऑनलाइन प्रवेशाची प्रक्रिया बुधवारपासून सुरू होत आहे. विज्ञान शाखेसाठी 5 टक्के तर कला आणि वाणिज्य शाखेसाठी 8 टक्के जागा वाढल्या आहे. मुंबई, पुणे आणि नागपूर येथील कनिष्ठ महाविद्यालयात जागा वाढवून देण्याचा निर्णय शिक्षणमंत्री आशिष शेलार यांनी घेतला आहे. पावसाळी अधिवेशनादरम्यान हा निर्णय घेण्यात आला आहे. विद्यार्थ्यांना दिलासा देणारा हा निर्णय राज्य सरकारने घेतला आहे.  विज्ञान शाखेसाठी 5 टक्के तर कला आणि वाणिज्य शाखेसाठी 8 टक्के जागा वाढवल्या असल्याची घोषणा शिक्षण मंत्री आशिष शेलार यांनी केली आहे. विनोद तावडे यांच्याकडे असलेले शिक्षण खाते  आशिष शेलार यांना रविवारीच देण्यात आले. रविवारी झालेल्या मंत्रिमंडळ विस्तारात आशिष शेलार यांना स्थान देण्यात आले आहे. त्यानंतर त्यांनी पहिलाच निर्णय विद्यार्थ्यांच्या हिताच्या दृष्टीने घेतला आहे. अकरावी प्रवेशाच्या वेळी जागा कमी पडल्याची तक्रार कायमच महाविद्यालयांकडून केली जाते. त्यावर तोडगा काढण्यासाठी आता आशिष शेलार यांनी हा महत्त्वाचा निर्णय घेतला आहे.
Wednesday, June 19, 2019 AT 08:39 PM (IST)
 
© Copyrights 2010 Dainik Aikya.com - All rights reserved.
of
Powered By: