Dainik Aikya - Published from Satara (Maharashtra,India) Published on,
 
मुख्यपान  >>  प्रमुख वार्ता

5बेळगाव, दि. 18 (वृत्तसंस्था) : काश्मीरमधून कलम 370 रद्द करण्यात आल्याने त्याचा बदला घेण्यासाठी अतिरेकी कर्नाटकात दहशतवादी हल्ला करण्याची शक्यता असल्याने सावध राहण्याचा इशारा केंद्रीय गुप्तचर खात्याने दिला. त्यामुळे बंगळुरू, हुबळी, धारवाड, म्हैसूर, मंगलोर, बागलकोट आणि बेळगाव या शहरांमध्ये पोलिसांनी घोषित केलेला हायअलर्ट दुसर्‍या दिवशीही कायम ठेवला आहे.

Monday, August 19, 2019 AT 11:15 AM (IST)

स 8 जणांचा मृत्यू स 5 राष्ट्रीय महामार्ग बंद 5हिमाचल प्रदेश, दि. 18 (वृत्तसंस्था) : महाराष्ट्र, कर्नाटक व केरळ पाठोपाठ आता हिमाचल प्रदेशात पावसाने कहर केला आहे. अतिवृष्टीमुळे जनजीवन पूर्णपणे विस्कळीत झाले असून मोठ्या प्रमाणात नुकसानही झाले आहे. अनेक ठिकाणी ढगफुटी झाल्याची देखील माहिती आहे. राज्यभरात मुसळधार पावसाची शक्यता वर्तवण्यात आली असल्यामुळे सतर्कतेचा इशारा देण्यात आला आहे.

Monday, August 19, 2019 AT 11:14 AM (IST)

5मुंबई, दि. 18 (प्रतिनिधी) : आज अनेक जण पक्ष सोडत आहेत. जे लोक न्यायालयीन प्रक्रियेत अडकले आहेत त्यांच्यावर राज्यकर्ते दबाव आणत आहेत. त्यामुळे पक्ष गळती होत आहे. आपण पूर्ण स्वच्छ आहात तर आपल्याला कोणतीच चिंता करण्याचे कारण नाही. आता कावळ्यांची नाही तर मावळ्यांची चिंता करावी, अशा शब्दात राष्ट्रवादीचे अध्यक्ष खा. शरद पवार यांनी पक्ष सोडणार्‍यांवर टीका केली आहे. राष्ट्रवादी महिला काँग्रेसच्या येथे आज झालेल्या बैठकीत ते बोलत होते.

Monday, August 19, 2019 AT 11:08 AM (IST)

5जम्मू, दि. 18 (वृत्तसंस्था) :  कलम 370 हटवल्यानंतर पसरवण्यात येणार्‍या अफवा रोखण्यासाठी रविवारी पुन्हा जम्मू, सांबा, कठुआ, उधमपूर आणि रियासी या पाच जिल्ह्यांतील इंटरनेट सेवा बंद करण्यात आली आहे. अफवा रोखण्यासाठी आणि परिसरात शांतता राखण्यासाठी हा निर्णय घेतला असल्याचे पोलीस अधिकार्‍यांनी सांगितले. इंटरनेट सेवा दुपारनंतर तत्काळ बंद करण्याचे आदेश देण्यात आले आहेत.

Monday, August 19, 2019 AT 10:51 AM (IST)

5अमेरिका, दि. 16 (वृत्तसंस्था) : संयुक्त राष्ट्र सुरक्षा परिषदेत(यूएनएससी) चीनच्या मागणीवरून जम्मू-काश्मीरच्या मुद्यावरून बैठक बोलावण्यात आली होती. यामध्ये रशियाने भारताला पाठिंबा दिल्याचे दिसले. दुसरीकडे अपेक्षेप्रमाणे चीनने पाकिस्तानची बाजू लावून धरली होती. रशियाने काश्मीरप्रश्‍नी केवळ द्विपक्षीय चर्चेचे समर्थन केले आहे तर कलम 370 हा आमचा अंतर्गत विषय असल्याचे भारताने यावेळी स्पष्ट केले.

Saturday, August 17, 2019 AT 11:18 AM (IST)

5पोखरण, दि. 16 (वृत्तसंस्था) :  भारताच्या संरक्षणविषयक धोरणांमध्ये येत्या काळात बदल होण्याची शक्यता असल्याचे सुतोवाच संरक्षण मंत्री राजनाथ सिंह यांनी केले आहे. अण्वस्त्रांच्या वापराबाबत भारताने ‘नो फर्स्ट युज’ अर्थात पहिल्यांदा वापर करायचा नाही, हे धोरण अवलंबले आहे. मात्र, भविष्यात यामध्ये बदल होऊ शकतो, असे सूचक विधान त्यांनी केले आहे. शुक्रवारी पोखरण येथे माध्यमांशी बोलताना त्यांनी आपली भूमिका स्पष्ट केली.

Saturday, August 17, 2019 AT 11:02 AM (IST)

5कोल्हापूर, दि. 14 (प्रतिनिधी) : 2005 च्या पुराच्या वेळी जी पाणी पातळी होती ती पाणी पातळी आता ग्राह्य धरणे चुकीचेच आहे, असे मत राष्ट्रवादीचे सर्वेसर्वा आणि माजी केंद्रीय कृषिमंत्री शरद पवार यांनी व्यक्त केले. कोल्हापूर आणि सांगली या ठिकाणी दौरा करून त्यांनी पूर परिस्थितीचा आढावा घेतल्यानंतर पत्रकारांशी त्यांनी संवाद साधला. पूर समस्येवर आता कायमचा उपाय योजण्याची गरज आहे. पूरग्रस्तांना सरकारने नवीन घरे बांधून दिली पाहिजेत.

Friday, August 16, 2019 AT 11:02 AM (IST)

5नवी दिल्ली, दि. 14 (वृत्तसंस्था) : जम्मू-काश्मीरमधून 370 कलम हटविण्याचा घेण्यात आलेला निर्णय आणि जम्मू-काश्मीर व लडाखबाबत घेण्यात आलेल्या निर्णयामुळे काश्मिरी जनतेचा अधिकच फायदा होईल, असा विश्‍वास राष्ट्रपती रामनाथ कोविंद यांनी व्यक्त केला. स्वातंत्र्यदिनाच्या पूर्वसंध्येला देशवासीयांना संबोधित करताना ते बोलत होते. रामनाथ कोविंद यांनी भाषणाच्या सुरुवातीलाच देशवासीयांना 73 व्या स्वातंत्र्यदिनाच्या शुभेच्छा दिल्या.

Friday, August 16, 2019 AT 10:57 AM (IST)

5पुणे, दि. 13 (प्रतिनिधी) : गुंतवणूकदारांची फसवणूक केल्याप्रकरणी अटकेत असलेले पुण्यातील प्रसिद्ध बांधकाम व्यावसायिक दीपक सखाराम कुलकर्णी अर्थात डीएसके यांचे बंधू मकरंद कुलकर्णी यांना मुंबई विमानतळावरून अटक करण्यात आली आहे. अमेरिकेत पळून जाण्याच्या प्रयत्नात असताना त्यांना ताब्यात घेण्यात आले. सुमारे अडीच हजारांहून अधिक गुंतवणूकदारांची किमान 230 कोटी रुपयांची फसवणूक केल्याचा आरोप कुलकर्णी बंधूंवर आहे.

Wednesday, August 14, 2019 AT 11:07 AM (IST)

5मुंबई, दि. 13 (प्रतिनिधी) : जगभरात झालेल्या उलाढालीचे पडसाद भारतात उमटले असून आज शेअर बाजारात मोठी घसरण पाहायला मिळाली. एचडीएफसी, एचडीएफसी बँक, इन्फोसिस आणि आयटीसी यासारख्या मोठ्या कंपन्यांच्या शेअरमध्ये मोठी पडझड पाहायला मिळाली. दुपारी 3 पर्यंत सेन्सेक्स 600 अंकांच्या घसरणीसह 37 हजारांच्या खाली आला तर निफ्टी 176 अंकांच्या घसरणीसह 11 हजारांच्या खालीपर्यंत आला.

Wednesday, August 14, 2019 AT 11:05 AM (IST)

© Copyrights 2014 Dainik Aikya.com - All rights reserved.
of
Powered By: