Dainik Aikya - Published from Satara (Maharashtra,India) Published on,
 
मुख्यपान  >>  राष्ट्रीय वार्ता

5मुंबई, दि.10 (प्रतिनिधी) पीएमसी बँक बुडाल्याने लाखो ठेवीदार अडचणीत आले असून, भविष्यात असे प्रकार होऊ नये यासाठी बहुराज्यीय सहकारी बँकांबाबत काही कठोर पावलं टाकण्याची गरज आहे. आगामी हिवाळी अधिवेशनात यासाठी कायद्यात दुरुस्ती करण्याचा विचार असल्याचे केंद्रीय अर्थमंत्री निर्मला सीतारामन यांनी गुरुवारी मुंबईत पत्रकारांशी बोलताना सांगितले. विधानसभा निवडणुकीच्या प्रचारासाठी केंद्रीय नेत्यांची फौजच भाजपने मैदानात उतरवली आहे.

Friday, October 11, 2019 AT 11:19 AM (IST)

5नवी दिल्ली, दि. 10 (वृत्तसंस्था) : देशाचे राष्ट्रपती, उपराष्ट्रपती आणि पंतप्रधानांसाठी असलेल्या विमानांमध्ये आता अत्याधुनिक ‘मिसाइल डिफेन्स सिस्टिम’ असणार आहे. या विमानांचे उड्डाण एअर इंडियाचे वैमानिक नव्हे तर हवाई दलाचे वैमानिक करतील. एअर इंडियाकडून हवाई दलाच्या वैमानिकांना बोईंग 777 विमानांच्या उड्डाणाचे प्रशिक्षण दिले जात आहे. पंतप्रधान नरेंद्र मोदींसह देशातील दिग्गज नेते जुलै 2020 पासून बोईंग 777 या विमानातून प्रवास करतील.

Friday, October 11, 2019 AT 11:14 AM (IST)

5नवी दिल्ली, दि. 10 (वृत्तसंस्था) : भारताचे नंदनवन अशी ओळख असलेल्या जम्मू-काश्मीरमध्ये गेल्या दोन महिन्यांपासून असलेली पर्यटकबंदी अखेर उठवण्यात आली आहे. गृह विभागाने 2 ऑगस्ट 2019 रोजी पर्यटकांसाठी काढलेला मनाई आदेश मागे घेण्यात आला असून पर्यटक आता जम्मू-काश्मीरमध्ये पर्यटनासाठी येऊ शकतात. त्यांना आवश्यक ते सर्व सहकार्य व मदत राज्य सरकारकडून मिळेल, असे आदेशात नमूद करण्यात आले आहे.

Friday, October 11, 2019 AT 11:12 AM (IST)

5सिंधुदुर्ग, दि. 10 (वृत्तसंस्था) : नारायण राणे यांचा महाराष्ट्र स्वाभिमान पक्ष येत्या 15 ऑक्टोबर रोजी मुख्यमंत्र्यांच्या उपस्थितीत भाजपमध्ये विलीन करण्यात येणार असल्याची माहिती स्वत: नारायण राणे यांनी आज दिली. काही महिन्यांपासून भाजपमध्ये ’मेगा भरती’ सुरू आहे. इतर पक्षाच्या अनेक नेत्यांनी भाजपमध्ये प्रवेश केला. मात्र, नारायण राणे यांचा भाजप प्रवेश निश्‍चित होत नव्हता.

Friday, October 11, 2019 AT 11:02 AM (IST)

5नवी दिल्ली, दि. 9 (वृत्तसंस्था) :  केंद्र सरकारी कर्मचार्‍यांना मोदी सरकारने दिवाळी भेट दिली आहे. केंद्रीय कर्मचार्‍यांच्या महागाई भत्त्यात 5 टक्क्यांची वाढ करण्याचा निर्णय सरकारने घेतला आहे. सरकारच्या या निर्णयाचा फायदा 50 लाख कर्मचारी व 65 लाख निवृत्ती वेतनधारकांना मिळणार आहे. पंतप्रधान नरेंद्र मोदी यांच्या नेतृत्वाखाली झालेल्या केंद्रीय मंत्रिमंडळाच्या बैठकीत हा निर्णय घेण्यात आला.

Thursday, October 10, 2019 AT 11:17 AM (IST)

© Copyrights 2014 Dainik Aikya.com - All rights reserved.
of
Powered By: